2010 jyly 221,8 myń adamǵa ataýly áleýmettik kómek taǵaıyndaldy
ASTANA. Qazannyń 18‑i. QazAqparat /Qanat Mámetqazyuly/ -2010 jyly 221,8 myń adamǵa ataýly áleýmettik kómek taǵaıyndaldy. Bul týraly búgin QR Parlamenti Májilisinde ótken Úkimet saǵatynda QR Eńbek jáne halyqty áleýmettik qorǵaý mınıstri Gúlshara Ábdihalyqova málim etti.
«2010 jyldyń 9 aıynyń qorytyndysy boıynsha elimizde tabystary kedeılik deńgeıinen tómen 221,8 adamǵa ataýly áleýmettik kómek berildi. Osy baǵytta bıýdjetten 2,1 mıllıard teńge jumsaldy. Bul rette ataýly kómek alýshylardyń negizgi úlesi áli de aýyldyq jerlerde bolyp otyr, olar jalpy kómek alýshylardyń 59,8 paıyzyn jáne sáıkesinshe baǵyttalǵan qarajattyń 60 paıyzyn quraıdy. Sonymen qatar, ataýly kómekti alýshylardyń quramynda burynǵydaı balalardyń úles salmaǵy artyq, bul - 61,3 paıyz», -dedi G.Ábdihalyqova.
Mınıstrdiń aıtýynsha, ataýly áleýmettik kómek alýshylarǵa jergilikti atqarýshy organdarmen respýblıkalyq bıýdjetten 1,12 mıllıard teńge bólindi.
