2010 jyly 22 mln. tonna munaı jáne gaz kondensaty óndirildi - QazMunaıGaz
ASTANA. 24 qańtar. QazAqparat /Rýslan Ǵabbasov/ - 2010 jyly 22 mln. tonna munaı jáne gaz kondensaty óndirildi. Bul týraly búgin «QazMunaıGaz» ulttyq kompanııasyndaǵy baspasóz máslıhaty barysynda taratylǵan málimetterde aıtylǵan.
«Aldyn ala derekter boıynsha, 2010 jyly munaı jáne gaz kondensatyn óndirýdiń shoǵyrlandyrylǵan kólemi 22 mln. tonnany qurady. Bul óz kezeginde bekitilgen jospardan 4 paıyzǵa, al 2009 jyldyń kórsetkishinen 17 paıyzǵa artyq», - delingen málimetterde.
Atap aıtqanda, magıstraldyq qubyr jelileri arqyly munaıdy tasymaldaý kólemi 65,8 mln. tonnany qurady. 2009 jylǵa qaraǵanda, bul kórsetkish 3 paıyzǵa artyq. Sonymen qatar munaıdy teńiz kóligimen tasymaldaý kólemi 7,1 mln. tonnaǵa jetti. Jalpy alǵanda, 2010 jyly 14,8 mln. tonna munaı óńdeldi. Bul 2009 jyldyń josparly kórsetkishterine qaraǵanda 16 paıyzǵa artyq. Ótken jyldaǵy kezeńde 99,7 mlrd. tekshemetr gaz tasymaldandy. Bul kórsetkishter 6 paıyzǵa artyq jáne 2009 jylǵy tasymaldaý kóleminen 9 paıyzǵa asyp otyr.
