2010 jyly 130 myń jumys orny qurylady - Eńbek jáne halyqty áleýmettik qorǵaý mınıstri
ASTANA. Qarashanyń 26-sy. QazAqparat /Rýslan Ǵabbasov/ - 2010 jyly «Jol kartasy» boıynsha 26 myńnan astam áleýmettik jumys oryndary qurylmaq. Bul týraly búgin Úkimette ótken selektorlyq keńeste Eńbek jáne halyqty áleýmettik qorǵaý mınıstri Gúlshara Ábdiqalyqova málim etti,
dep habarlaıdy QazAqparat.
«Barlyǵy 2010 jyly 130,5 myń jumys ornyn qurý josparlanyp otyr. Bul rette shartty túrde bir jumys ornyna bólinetin qarjy kólemi 965,4 myń teńgeni quraıdy. Bul bıylǵy jylǵa qaraǵanda 50 paıyzǵa ulǵaıtyldy», dedi ol.
Mınıstr 2010 jyly 26 myń 400 áleýmettik jumys oryndaryn, sondaı-aq 26 myń 300 jumys ornyn jastar tájirıbesin ótkizý úshin qurýdy usyndy. «Barlyǵy 52 myń 700 ýaqytsha jumys oryndary qamtylatyn bolady», dedi ol.
