2010 jylǵy jeltoqsanda halyqtyń ortasha jan basyna shaqqandaǵy aqshalaı tabystary 14,2 paıyzǵa artty - Statıstıka agenttigi
ASTANA. 14 aqpan. QazAqparat - 2010 jylǵy jeltoqsanda halyqtyń ortasha jan basyna shaqqandaǵy ataýly aqshalaı tabystary aldyn ala berilgen derekter boıynsha 44370 teńgeni qurap, 2009 jylǵy tıisti kezeńmen salystyrǵanda 14,2%-ǵa artty, dep habarlady QR Statıstıka agenttigi.
«Naqty aqshalaı tabystary 6,0%-ǵa ósti. 2010 jylǵy jeltoqsanda ortasha jan basyna shaqqandaǵy aqshalaı tabystardyń kólemi boıynsha Mańǵystaý, Atyraý oblystary jáne Astana qalasy aldyńǵy qatarǵa shyqty, osy kórsetkish ortasha respýblıkalyq deńgeıdi 2,2-2,1 esege arttyrdy», - delingen agenttik taratqan aqparatta.
2010 jylǵy jeltoqsanda tabystary eń tómen óńirler qatarynda Ońtústik Qazaqstan, Soltústik Qazaqstan jáne Jambyl oblystary bar, osy óńirlerde halyqtyń tabys mólsheri respýblıkalyq deńgeıden ortasha alǵanda 51,1% jáne 80,2% qurady. Sonymen birge, halyqtyń naqty aqshalaı tabystarynyń eń kóp ósý qarqyny Batys Qazaqstan jáne Mańǵystaý oblystarynda baıqaldy.
