2010 jylǵy jeltoqsan aıynda elimizde ınflıatsııa 0,7 paıyzdy qurady - Statıstıka
ASTANA. 5 qańtar. QazAqparat - 2010 jylǵy jeltoqsan aıynda elimizde ınflıatsııa 0,7 paıyzdy qurady, dep habarlady QR Statıstıka agenttiginiń baspasóz qyzmetinen.
«Ótken aıda azyq-túlik taýarlarynyń baǵasy 1,2, azyq-túlik emes taýarlar - 0,4, aqyly qyzmetter 0,1 paıyzǵa qymbattady», - delingen vedomstvo aqparatynda.
Sonymen qatar jeltoqsanda nan jáne jarma ónimderi baǵasy 0,5, qaraqumyq - 10,5, arpa jarmasy - 1,6, un - 0,6, makaron ónimderi 0,4 paıyzǵa ósti.
Kartop baǵasy 4,7, sary maı jáne toń maı - 3,5, jumyrtqa - 3,4, jemis-jıdekter men kókónister 3, qurǵaq sút - 2,9, qant - 2, kofe, shaı, kakao - 0,9, balyq jáne teńiz ónimderi 0,7, et ónimderi 0,4 paıyzǵa artty.
Al temekti ónimderiniń baǵasy 2,3, qatty otyn - 1,7, gaz - 0,8, kıimder, aıaq kıimder, jeke tazalyq taýarlary - 0,4, dári-dármekter, jýý jáne tazartý zattary 0,3 paıyzǵa ósim kórsetti. Benzın 0,5, dızel otyny 4,1 paıyzǵa qymbattady.
Sondaı-aq meıramhanalar men qonaq úıler qyzmetteriniń baǵasy 0,6, shashtaraz - 0,3, densaýlyq saqtaý jáne mádenı oryndar - 0,2, alys qashyqtarǵa temir jol jolaýshylar kóligi shamamen 1 paıyzǵa ósti.
