2010 jylǵy shildede respýblıkada bir jumyskerdiń ortasha aılyq nomınaldy jalaqysy 81 266 teńgeni qurady - QR Statıstıka agenttigi
ASTANA. Tamyzdyń 11-i. QazAqparat /Gúlmıra Álıakparova/ - 2010 jylǵy shilde aıynda respýblıkada bir jumyskerdiń ortasha aılyq nomınaldy jalaqysy 81 266 teńgeni qurady.
Bul ótken jyldyń sáıkes kezeńimen salystyrǵanda 17,9 paıyzǵa kóp.
QR Statıstıka agenttiginiń usynǵan málimetterine súıensek, salalyq qurylymdar boıynsha eń joǵarǵy jalaqy qarjy jáne saqtandyrý qyzmetterinde saqtalyp otyr - 171 400 teńge (bul ortasha respýblıkalyq deńgeıden 2,1 esege kóp), kásiptik, ǵylymı jáne tehnıkalyq qyzmetterde - 141 400 teńge (1,7 esege) jáne ártúrli qyzmet túrlerin kórsetýde - 124 700 teńge (1,5 esege).
Al eń tómengi eńbekaqyny aýyl, orman jáne balyq sharýashylyqtary qyzmetkerleri alyp otyr - 36 200 teńge. Bul ortasha respýblıkalyq deńgeıden 55,4 paıyzǵa tómen.
Óńirler boıynsha alǵanda, eń joǵarǵy jalaqy Atyraý oblysynda saqtalyp otyr - 145 400 teńge (ortasha respýblıkalyq kórsetkishten 1,8 esege artyq). Al eń tómengi jalaqy Jambyl oblysynda - 55 600 teńge (ortasha deńgeıden 31,6 paıyzǵa tómen).
