2010 jylǵy shildede Qazaqstan Respýblıkasynda kúnkóristiń eń tómengi deńgeıi 13 743 teńgeni qurady - Statıstıka
ASTANA. Tamyzdyń 2-si. QazAqparat /Gúlmıra Álıakparova/ - 2010 jylǵy shildede Qazaqstan Respýblıkasynda kúnkóristiń eń tómengi deńgeıi 13 743 teńgeni qurady.
Bul týraly QR Statıstıka agenttiginen málim etti.
2010 jyldyń shilde aıynda negizgi tamaq ónimderin tutynýdyń eń tómengi normalarynan orta eseppen eseptelgen halyqtyń jan basyna shaqqandaǵy kúnkóristiń eń tómengi deńgeıi, onyń aldyndaǵy maýsym aıymen salystyrǵanda 1,6%-ǵa azaıdy, al 2009 jylǵy shildege qaraǵanda - 6,1 paıyzǵa ósti.
Onyń qurylymynda et pen balyqty satyp alýǵa jumsalǵan shyǵystardyń úlesi 19,4 paıyzdy, sút, maı, toń maı ónimderi men jumyrtqaǵa - 15,1 paıyzdy, jemister men kókónisterge - 14,4 paıyzdy, nan jáne jarma ónimderine - 8,4 paıyzdy, qant, shaı jáne dámdeýishterge - 2,7 paıyzdy qurady.
Shilde aıynda kúnkóristiń eń tómengi deńgeıi 13 743 teńge (2010 jylǵy maýsymda) deńgeıinde belgilengen bolsa, 0-13 jas aralyǵyndaǵy balalar úshin ol - 10 771 (maýsymda 10 923 tg.) teńgeni; 14-17 jastaǵy jasóspirimderge, onyń ishinde uldarǵa - 17 378 (17 659) jáne qyzdarǵa - 13 315 (13 530) teńgeni; 18 jastan asqan, eńbekke qabiletti: erler úshin - 16 429 (16 701) jáne áıelderge - 13043 (13 528) teńgeni; sondaı-aq zeınetkerler men qart adamdarǵa 12879 (13 087) teńgeni qurady.
