2010 jylǵy naýryzda syrtqy saýdada ónimderge baǵanyń joǵarylaýy baıqaldy
ASTANA. Mamyrdyń 12-si. QazAqparat /Qanat Mámetqazyuly/ - Aǵymdaǵy jylǵy naýryzben ótken jylǵy aqpan aıyn salystyrǵanda elimizdegi eksporttalatyn jáne ımporttalatyn taýarlarǵa baǵanyń 2,4 paıyzǵa joǵarylaýy baıqaldy,
dep habarlaıdy QazAqparat.
Statıstıka agenttiginiń málimetterine qaraǵanda, 1 aıda eksporttyq jetkizilimderge baǵanyń ósýi tabıǵı gazǵa - 10,7 paıyz, munaı ónimderine - 4,6 paıyz, kómirge - 4,3 paıyz, qara metaldarǵa - 2,5 paıyz, munaıǵa - 2 paıyz deńgeıinde baıqaldy. Al baǵanyń tómendeýi mysqa - 2,3 paıyzdy, alıýmınııge - 1,2 paıyz, gaz kondensatyna - 0,7 paıyz shamasynda belgilengen. Budan bólek, jún baǵasy - 7,6 paıyz, maqta - 5,8 paıyz joǵarylasa, bıdaı baǵasy - 2 paıyzǵa tómendegeni baıqaldy.
Importtyq túsimder boıynsha dári-dármekter - 8,4 paıyzǵa, qant - 7,4 paıyzǵa, margarın - 6,5 paıyzǵa, shınalar - 6,7 paıyzǵa, syrlar men boıaýlar - 5,9 paıyzǵa, toqyma buıymdary - 3,6 paıyzǵa qymbattaǵan. Al aıaqkıim baǵasy - 8,4 paıyzǵa, kofe - 6 paıyz, temeki - 3,1 paıyz, shaı - 1,1 paıyzǵa arzandady.
