2010 jylǵy naýryz aıynda Qazaqstanda jumyssyzdar sany 524,3 myń adam boldy
QR Statıstıka agenttiginiń málimetterine sáıkes, ótken naýryz aıynda respýblıka ekonomıkasynda (baǵalaý boıynsha) 8,1 mln. adam jumyspen qamtyldy. Bul ótken jylǵy sáıkes kezeńmen salystyrǵanda 303,0 myń adamǵa nemese 3,9 paıyzǵa kóp. Jaldamaly qyzmetkerlerdiń sany atalǵan kezeńde 5,4 mln. adamdy nemese jumyspen qamtylǵandardyń jalpy sanynyń 66,6 paıyzyn qurady.
Jumyssyzdar sany baǵalaý boıynsha, 524,3 myń adamdy, jumyssyzdyq deńgeıi 6,1 paıyzdy qurady. QR Eńbek jáne halyqty áleýmettik qorǵaý mınıstrliginiń jumyspen qamtý organdaryna naýryz aıynyń sońyna deıin resmı tirkelgenderdiń sany - 76,4 myń adam. Jumyssyzdar retinde tirkelgenderdiń ishinde ekonomıkalyq belsendi halyqtyń úlesi - 0,9 paıyz (2009 jylǵy naýryzda -0,8 paıyz).
Jasyryn jumyssyzdyq deńgeıi ekonomıkalyq belsendi halyqtyń 0,6 paıyzyn qurady.
Aıta keteıik, jasyryn jumyssyzdyq - qysqartylǵan jumys aptasy nemese tolyq emes jumys tártibine aýystyrylǵan qyzmetkerlerdiń, sondaı-aq jalaqysy saqtalmaıtyn nemese eńbekaqysy jartylaı tólengen ákimshilik demalystarǵa jiberilgen jumysshylardyń sanyn kórsetedi.
