2010 jylǵy maýsymda Qazaqstan Respýblıkasyndaǵy ınflıatsııa deńgeıi 0,2 paıyzdy qurady - Statıstıka
ASTANA. Shildeniń 1-i. QazAqparat /Gúlmıra Álıakparova/ - - 2010 jylǵy maýsymda Qazaqstan Respýblıkasyndaǵy ınflıatsııa deńgeıi 0,2 paıyzdy qurady.
QR Statıstıka agenttiginen málim etkendeı, ótken maýsym aıyndaazyq-túlik taýarlar men aqyly qyzmetterdiń baǵasy - 0,1 paıyzǵa, al azyq-túlik emes taýarlar - 0,5 paıyzǵa ósti.
Ótken aıda qanttyń baǵasy - 1,9 paıyzǵa, nan jáne jarma ónimderine - 0,4-ke, kúrishke - 1,2 jáne unǵa 2,2 paıyzǵa arzandady. Baǵa deńgeıi sondaı-aq, sút ónimderine 0,9 paıyzǵa, jańa saýylǵan sútke - 5,9 jáne jumyrtqaǵa 6,9 paıyzǵa tómendedi. Jańa jınalǵan kókónister - 0,8, qyzanaq - 10,2 jáne qııar 11,7 paıyzǵa arzandady.
Baǵalardyń kerisinshe arta túsýi kartopqa - 1,5, jemisterge - 1, mal maıyna - 0,9, et jáne qus etine - 0,8, alkogolsiz sýsyndarǵa 0,5 paıyzǵa baıqaldy.
Maýsym aıynda halyqqa qyzmet kórsetetin kásiporyndardyń baǵalarynda da ózgerister boldy. Máselen, mádenı oryndardyń qyzmetteri 0,5, densaýlyq saqtaý - 1, meıramhanalar men qonaqúıler qyzmetteri - 1,2 paıyzǵa qymbattady. Al temirjol jolaýshylar kóliginde 1,8 paıyzǵa arzandady.
Jylytý maýsymynyń aıaqtalýyna baılanysty turǵyn úı kommýnaldyq qyzmetterdiń tarıfteri arzandady. Mysalǵa ortalyqtan jylytý - 0,6, ystyq sý - 1,1 paıyzǵa tómendese, qoqys shyǵarý qyzmetteri kerisinshe - 1,5 jáne káriz 0,4 paıyzǵa qymbattady.
Aıta keteıik, ınflıatsııa deńgeıin sıpattaıtyn tutyný baǵasynyń ındeksi (TBI) halyqtyń jeke tutyný úshin satyp alatyn taýarlary men qyzmetteri baǵasynyń ózgerýin kórsetedi. Taýarlar men qyzmetter jıyntyǵyna 508 pozıtsııa kiredi. Baǵany tirkeý menshiktiń túrli nysandaryndaǵy saýda jáne qyzmet kórsetý salasy kásiporyndarynyń irikteme júıesi boıynsha barlyq oblys ortalyqtarynda, Astana men Almaty qalalary men aýdan ortalyqtarynyń belgilengen sheńberi boıynsha júrgiziledi. Biriktirý úshin paıdalanylatyn salmaq júıesi olardyń shyǵystary bóliginde ótken jylǵy úı sharýashylyqtaryn zertteý materıaldary negizinde esepteledi.
2010 jylǵy qańtardan bastap TBI-di eseptegende azyq-túlik taýarlarynyń úlesi - 39, azyq-túlik emes taýarlar - 31,8 jáne aqyly qyzmetter - 29,2 paıyzdy qurady.
