«2010 jylǵy Qazaqstan Respýblıkasyndaǵy adam quqyqtarynyń ahýaly týraly» baıandama Elbasynyń qol qoıýyna jiberiledi
ASTANA. 11 mamyr. QazAqparat /Arman Asqarov/ - Búgin QR Prezıdenti janyndaǵy Adam quqyqtary jónindegi komıssııa ázirlegen «2010 jyly Qazaqstan Respýblıkasyndaǵy adam quqyqtarynyń ahýaly týraly» baıandamany talqylaýǵa arnalǵan komıssııa músheleriniń keńeıtilgen otyrysy ótti.
Otyrys qorytyndysy boıynsha komıssııa «2010 jylǵy Qazaqstan Respýblıkasyndaǵy adam quqyqtarynyń ahýaly týraly» baıandamany bekitip, tıisti ózgerister men tolyqtyrýlar engizilgen soń, atalǵan qujatty 2011 jyly mamyrdyń 18-ine deıin Elbasynyń qol qoıýyna jiberý týraly sheshim shyǵardy. Osydan keıin baıandamany qazaq, orys jáne aǵylshyn tilinde bólek kitap retinde shyǵaryp, onyń tanystyrylymyn shet elderde jáne halyqaralyq uıymdarda ótkizý josparlanyp otyr.
Komıssııa hatshysy Tastemir Ábishevtiń aıtýynsha, atalǵan baıandamany ázirleý kezinde elimizdegi adam quqyqtarynyń hal-ahýaly jan-jaqty taldanyp, osy saladaǵy jaǵymdy jáne jaǵymsyz úderister aıqyndaldy.
