2010 jylǵy qarashada Qazaqstandaǵy ınflıatsııa 0,8 paıyzdy qurady

QR Statıstıka agentiginiń málimetinshe, baǵa azyq-túlik taýarlaryna ótken aıda 1,2 paıyzǵa, azyq-túlik emes taýarlaryna - 0,6 paıyzǵa, aqyly qyzmet kórsetýlerge - 0,4 paıyzǵa ósti.

«Ótken aıda baǵanyń ósýi nan jáne jarma ónimderine 0,8 paıyzǵa, al qaraqumyq jarmasyna - 13,8 paıyzǵa, sókke - 1,7 paıyzǵa, unǵa - 1 paıyzǵa, toqash jáne unnan daıyndalatyn kondıter ónimderine - 0,8 paıyzǵa, makaron ónimderine - 0,5 paıyzǵa belgilendi», -delingen Aganttiktiń búgingi taratylǵan habarlamasynda.

Agenttiktiń málimetinshe, esepti kezeńde jumyrtqanyń baǵasy 5,4 paıyzǵa, kúnbaǵys maıyniki - 4,9 paıyzǵa, kartoptiki - 4 paıyzǵa, jańa jınalǵan kókónisterdiki - 2,7 paıyzǵa, jańa saýylǵan súttiki - 2,4 paıyzǵa, qanttyń baǵasy - 1,5 paıyzǵa, kofe, shaı jáne kakaoniki - 1,3 paıyzǵa, et ónimderiniń baǵasy - 0,7 paıyzǵa qymbattaǵan.

Sonymen qatar, baǵa qatty otynǵa 3,3 paıyzdan, suıytylǵan gaz ben dızel otynǵa - 1,3 paıyzdan, kitaptar men gazetter, shyny jáne qysh buıymdarǵa - 0,8 paıyzdan, kıim men aıaq kıimge - 0,6 paıyzdan, benzınge - 0,5 paıyzdan, farmatsevtıkalyq ónimder, jýǵysh jáne tazalaǵysh quraldaryna - 0,4 paıyzdan ósti.

Baǵa deńgeıi meıramhanalar men qonaq úılerdiń qyzmetterine 0,9 paıyzǵa, mádenıet qyzmetterine - 0,7 paıyzǵa, densaýlyq saqtaý qyzmetterine - 0,5 paıyzǵa, shashtarazdar qyzmetterine - 0,4 paıyzǵa joǵarylady.

Turǵyn úı kommýnaldyq qyzmet kórsetýler salasynda tarıfter sýmen jabdyqtaýǵa 0,9 paıyzǵa, bólinetin jeliler boıynsha tasymaldanatyn gaz ben kárizge - 0,8 paıyzǵa ósti, al ortalyqtan jylytýǵa - 0,1 paıyzǵa tómendedi.