2010 jylǵy qarashada halyqtyń naqty aqshalaı tabystary 4,6 paıyzǵa ósti - Statıstıka
ASTANA. 12 qańtar. QazAqparat - 2010 jylǵy qarashada halyqtyń ortasha jan basyna shaqqandaǵy ataýly aqshalaı tabystary aldyn ala berilgen derekter boıynsha 38689 teńgeni qurap, ótken jyldyń tıisti kezeńmen salystyrǵanda 12,7 paıyzǵa artty.
Naqty aqshalaı tabystary 4,6 paıyzǵa ósti, dep habarlady QR Statıstıka agenttiginiń baspasóz qyzmetinen.
2010 jylǵy qarashada ortasha jan basyna shaqqandaǵy aqshalaı tabystardyń kólemi boıynsha Astana qalasy jáne Atyraý, Mańǵystaý oblystary aldyńǵy qatarda keledi. Olardaǵy atalǵan kórsetkish ortasha respýblıkalyq deńgeıdi 2,2-1,8 esege arttyryp otyr.
Vedomstvonyń atap ótýinshe, 2010 jylǵy qarashada tabystary eń tómen óńirler qatarynda Qostanaı, Ońtústik Qazaqstan jáne Soltústik Qazaqstan oblystary belgilengen. Bul óńirlerde halyqtyń tabys mólsheri respýblıkalyq deńgeıden ortasha alǵanda 54,3 jáne 84,7 paıyzdy qurady. Sonymen birge, halyqtyń naqty aqshalaı tabystarynyń eń kóp ósý qarqyny Batys Qazaqstan jáne Qyzylorda oblystarynda tirkelgen.
«2010 jylǵy qarashada óńirler boıynsha ataýly aqshalaı tabystardyń eń joǵary jáne eń tómen mólsherleri arasyndaǵy araqatynas 4,0 eseni qurady», - delingen agenttik aqparatynda.
