2010 jylǵy qarashada elimizdegi bir qyzmetkerdiń ortasha aılyq ataýly jalaqysy 77374 teńgeni qurady - Statıstıka
ASTANA. 12 qańtar. QazAqparat - 2010 jylǵy qarashada Qazaqstandaǵy bir qyzmetkerdiń ortasha aılyq ataýly jalaqysy 77374 teńgeni qurady jáne ótken jylǵy tıisti aımen salystyrǵanda 15,7, al naqty kóriniste 7,4 paıyzǵa ósti,
dep habarlady QR Statıstıka agenttiginiń baspasóz qyzmetinen.
«Salalyq qurylymda eń joǵary jalaqy burynǵydaı qarjy jáne saqtandyrý qyzmetinde - 165,0 myń teńge (ortasha respýblıkalyq deńgeıden 2,1 esege asady), kásibı, ǵylymı jáne tehnıkalyq qyzmette - 144,7 myń teńge (1,9 ese), ken óndirý ónerkásibi jáne karerlerdi qazý - 138,7 myń teńge (1,8 ese) deńgeıinde saqtalýda. Eń tómengi jalaqy aýyl, orman jáne balyq sharýashylyǵyndaǵy qyzmetkerlerde - 37,5 myń teńge kóleminde belgilengen, bul respýblıkalyq kórsetkishten orta eseppen 51,6 paıyzǵa kem», - delingen baspasóz habarlamasynda.
Vedomstvonyń atap ótýinshe, óńirlik bóliniste eń joǵary jalaqy Atyraý oblysynda 145,5 myń teńge kóleminde turaqtaýda. Bul ortasha respýblıkalyq kórsetkishten 1,9 esege artyq. Al Jambyl oblysynda atalǵan soma 52,1 myń teńgeni quraıdy. Bul respýblıka boıynsha ortasha deńgeıden 32,7 paıyzǵa tómen.
