2010 jylǵy qańtarda Qazaqstanda kúnkóristiń eń tómengi deńgeıi 12 141 teńgeni qurady - Statıstıka
ASTANA. Aqpannyń 1-i. QazAqparat - 2010 jylǵy qańtarda Qazaqstanda kúnkóristiń eń tómengi deńgeıi 12 141 teńgeni qurady,
dep habarlady QR Statıstıka agenttigi.
Agenttiktiń málim etýinshe, , negizgi tamaq ónimderin tutynýdyń eń tómengi normalarynan eseptelgen, halyqtyń jan basyna orta eseppen shaqqandaǵy kúnkóristiń eń tómengi deńgeıiniń shamasy 2010 jylǵy qańtarda 2009 jylǵy jeltoqsanmen salystyrǵanda 1,3 paıyzǵa ósken.
Kúnkóristiń eń tómengi deńgeıiniń qurylymynda et pen balyqty satyp alýǵa jumsalǵan shyǵystardyń úlesi - 20,3 paıyzdy, sút, maı, toń maı ónimderi men jumyrtqa - 17,1 paıyzdy, jemister men kókónister - 10,1 paıyzdy, nan ónimderi - 9,6, qant, shaı jáne dámdeýishter - 2,9 paıyzdy qurady.
12 141 teńge kólemindegi kúnkóristiń eń tómengi deńgeıiniń 7284 teńgesin - azyq-túlik taýarlar, 4857 teńgesin - azyq-túlik emes taýarlar men aqyly qyzmetter quraıdy.
