2010 jylǵy qańtarda azyq-túlik taýarlarynyń baǵasy 3,9 paıyzǵa ósti - Statıstıka
ASTANA. Aqpannyń 1-i. QazAqparat - 2010 jylǵy qańtar aıynda azyq-túlik taýarlarynyń baǵasy 2009 jylǵy qańtarmen salystyrǵanda 3,9 paıyzǵa ósti,
dep habarlady QR Statıstıka agenttiginen.
Agenttiktiń taratqan málimetterine sáıkes, 2010 jylǵy qańtarda 2009 jylǵy tıisti aımen salystyrǵanda baǵa qantqa 40,2 paıyzǵa, kofe, shaı jáne kakaoǵa - 25,4, alkogoldi ishimdikterge - 9,4, toqash pen un ónimderine - 7,7, kondıterlik ónimderge - 6,3, sút ónimderine - 3,1 jáne makaron ónimderine - 2 paıyzǵa ósti. Al baǵanyń tómendeýi unǵa - 17,6, jemister men kókónisterge - 6,9, jumyrtqaǵa - 6,4, jarmaǵa - 6,2, maı jáne toń maıǵa - 3,9, nanǵa - 3,3 paıyzǵa baıqaldy.
Atalǵan kezeńde et jáne et ónimderine baǵalardyń ósimi 6,6 paıyzdy qurady. Shoshqa etine baǵa - 11,5, shujyq ónimderine - 6,2, jylqy etine - 2,9 jáne qoı etine - 2,1 paıyzǵa qymbattady.
