2010 jylǵy qańtar-tamyz aılarynda álem boıynsha 52 jýrnalıst qaza tapqan
ASTANA. Qyrkúıektiń 13-i. QazAqparat - 2010 jylǵy qańtar-tamyz aılarynda álem boıynsha 52 jýrnalıst qaza tapqan, bul 2009 jyldyń osy kezeńimen salystyrǵanda 4 adamǵa kem. Qaza tapqandardyń sany boıynsha Meksıka alda keledi, qańtar aıynyń basynan bastap tamyz aıynyń sońyna deıin bul elde 10 jýrnalıst kóz jumǵan. Odan keıingi kezekte Gondýras (9 adam) pen Pákistan (6 adam) eli tur. Bul týraly Halyqaralyq baspasóz ınstıtýty júrgizgen zertteýge súıene otyryp, Associated Press agenttigi habarlady.
Instıtýt jasaǵan tizimge jumys barysynda nemese jumysyna qatysty qastandyqpen óltirilgen jýrnalıster kiredi, dep habarlaıdy RBK agenttigi.
2009 jyly óz mamandyqtarynyń saldarynan 110 jýrnalıst qaza tapqan edi.
2010 jyly qaza tapqan jýrnalısterdiń basym bóligi Amerıkada kezdesken, bul elde 20 jýrnalıst qyzmet barysynda kóz jumǵan. Halyqaralyq baspasóz ınstıtýty alǵashqy qatarǵa Soltústik, Ońtústik jáne Ortalyq Amerıkany da qosyp otyr. Ekinshi orynǵa 18 qaıǵyly oqıǵa tirkelgen Ortalyq Azııa shyqqan. Pákistanda óltirilgen 6 adamnan basqa úsh reporterdi Fılıppınada, eki jýrnalısti Aýǵanstanda óltirip ketken. Qalǵan oqıǵalar Taıland, Indonezııa, Japonııa men Úndistanda tirkelgen.
2010 jylǵy qańtar-tamyz aılarynda Afrıkada 8 jýrnalıst opat bolǵan.
Taıaý Shyǵysta eki reporter, biri Lıvanda, biri Iemende qaza tapqan.
Eýropa boıynsha osyndaı eki qylmys tirkelgen, adam qolynan kóz jumǵandardyń biri radıostansynyń dırektory bolsa, ekinshisi televızııa stansysynyń basshysy bolǵan.
