2010 jylǵy bokstan áıelder arasyndaǵy Azııa chempıonaty Astanada ótedi

Bul týraly búgin elordada ótken baspasóz máslıhatynda federatsııa vıtse-prezıdenti Janbolat Sársenov málim etti, dep habarlaıdy QazAqparat.

Onyń aıtýynsha, Azııa birinishiliginiń Qazaqstanda ótýi áıelder boksynyń damýyna jańa serpin beredi. Mamyr aıynda Astana qalasynda ótetin dodaǵa el birinshiliginiń júldegerleri qatystyrylmaq. Áıelder boksy London olımpıdasynyń baǵdarlamasyna kirgendikten, Ulttyq Federatsııa qyzdar boksyna beı-jaı qaramaıtyndyqtaryn aıtýda. Qyzdar quramasy erlermen teń materıaldyq jáne tehnıkalyq jaǵdaılarmen qamtamasyz etilgen.

«Mamyrdyń 10-nan bastap qyzdarymyz Úndistan jáne Polsha quramalarymen birge Aqmola oblysynyń Jaqsy aýdanynda oqý-jattyǵý jıyndaryn ótkizetin bolady. Birlesken jattyǵýlar bizdiń qyzdarymyzdyń sheberlik deńgeıin ósiredi. Úndistannyń boksshy qyzdaryn bilesizder, olar álemdegi eń myqty quramalardyń sapynan oryn alady. Qazaqstannyń Boks federatsııasy qyzdar boksyn kóterýge barlyq jaǵdaıdy jasap jatyr. Sondyqtan jeńis bizde - Astanada qalady dep sanaımyn», deıdi Memlekettik jattyqtyrýshy Bolat Ábdirahmanov.

Bokstyń basy-qasynda júrgen jattyqtrýshylar, jalpy Qazaqstan áýesqoı boks fede­ratsııa­sy­nyń tizginin Tımýr Qulybaev us­ta­ǵaly beri bokstan ótetin ja­rystarǵa elimizde burynǵyǵa qa­raǵanda kóp mán berilip keletindigin aıtýda. Elimizdiń jastary elishilik týr­nır­ler men halyqaralyq bá­sekelerge kóptep qatysyp jatsa, qyzdar boksy ótken jyldarǵa qaraǵanda ekinshi tynysyn ashyp, jańa deńgeıge shyqty. Osy baǵytta jasalǵan barlyq jumystarǵa baspasóz máslıhatynda ulttyq fede­ra­­tsııanyń vıtse-prezıdenti J. Sársenov tolyq toqtaldy. Onyń aıtýynsha, qazirgi kúni eli­mizde boksty damytý, sonyń ishinde áıelder jarystaryn kóptep ótkizýge federatsııa tarapynan barlyq jaǵdaı jasalýda. Máselen, sport mekemesiniń boksty jan-jaqty damytyp, bylǵary qolǵap ıeleri men tóreshilerdiń materıal­dyq jaǵdaıyn jaqsartyp, boks zal­daryn salyp, olardyń zaman talabyna saı jabdyqtalýyna basa nazar aýdarylýda.