2010 jyldyń sońyna deıin «Elektrondyq úkimet» portalynda taǵy 10 qyzmet túri iske qosylady
ALMATY. Mamyrdyń 25-i. QazAqparat /Erbol Azanbek/ - Jyl basynan beri «Elektrondy úkimet» portalynyń kómegimen 213 000 elektrondyq anyqtama berildi. Jyl aıaǵyna deıin bundaı anyqtamalar sany ulǵaıtylyp, taǵy 10 memlekettik qyzmet túri iske qosylady.
Bul týraly búgin Almatyda Búkilálemdik aqparattyq qaýymdastyq kúnine oraı ótip jatqan saltanatty qabyldaý sharasynda «Zerde» Ulttyq aqparattyq holdınginiń Basqarma tóraǵasy Ádilbek Sársenov aıtty , dep habarlaıdy QazAqparat.
Onyń aıtýynsha, qazirgi kezde «Elektrondyq úkimet» portalynda turǵyndar men bıznes úshin ınteraktıvti qyzmettiń 59 túri kórsetiledi. Máselen, aldyn-ala elektrondyq sandyq qoltańba alý arqyly portal kómegimen zeınetaqy tólemderi, sottalmaǵandyǵy týraly anyqtama, turǵyn úı ıesi retinde tirkelý syndy qyzmet túrlerin alýǵa bolady.
S.Sársenovtiń aıtýynsha, qazirgi kezde Elektrondyq úkimet týraly zań jobasymen jumys jasalýda. Onda elektrondyq tólem júıesi qyzmeti kórsetilgen. «Biz bul qyzmetti memlekettik alymdar men salyq tóleýge qoldanbaqpyz. Qazirgi kezde bunyń tehnıkalyq bóligi júzege asyryldy. Qazirdiń ózinde-aq saıtqa kirip, 120 túrli tólemdi júzege asyrýǵa bolady. Aldaǵy ýaqytta bul árbir turǵynǵa qoljetimdi bolýy úshin daıyndalýda», dedi ol.
