2010 jyldyń naýryzynda qus pen dońyz tumaýyna qarsy qazaqstandyq vaktsınanyń klınıkalyq zertteý synaqtary aıaqtalady
ALMATY. Qarashanyń 5-i. QazAqparat /Názıra Eleýhan/- 2010 jyldyń naýryz aıynda qus pen dońyz tumaýyna qarsy qazaqstandyq vaktsınanyń klınıkalyq zertteý synaqtary aıaqtalady. Zertteý jumystary Otar qalasyndaǵy ǵylymı-tahnıkalyq ınstıtýt bazasynda júrgizilýde.
Bul týraly búgin arnaıy ótkizilgen baspasóz máslıhatynda Respýblıkalyq sanıtarlyq-epıdemıologııalyq stansynyń dırektory Baýyrjan Baıserkın málim etti, dep habarlaıdy QazAqparat.
«Bul jańalyq elimizdiń medıtsına salasyndaǵy úlken jetistigimiz bolmaq. Ótken jyly qus tumaýyna qarsy jumystar atqarylsa, ústimizdegi jyly dońyz tumaýyna qarsy ǵylymı zertteýler aıaqtalýǵa jaqyn qaldy. Buıyrtsa, Qazaqstan kelesi jyldan bastap otandyq vaktsınany shyǵara bastaıdy», dedi B. Baıserkın.
«Ázirge elimizde epıdemıologııalyq jaǵdaı birqalypty. Shekara aımaǵyndaǵy barlyq sanıtarlyq beketter sáýleli teplovızorlarmen jáne qajetti statsıonarlyq qural-jabdyqtarmen jabdyqtalǵan. Eger jaǵdaı ýshyǵatyn bolsa, Qazaqstan A/H1N1 vırýsyna qarsy vaktsınalardy satyp alýdy josparlap otyr. Jaǵdaıǵa baılanysty satyp alý merzimin QR Densaýlyq saqtaý mınıstrligi anyqtaıtyn bolady. Bizge tek qaýipsiz joǵary sapaly vaktsına qajet», dep atap ótti RSES basshysy.
