2010 jyldyń maýsym aıynan bastap klıentterdiń banktik shottarynyń jańa nómirleri (IBAN) men bankterdiń banktik sáıkestendirý kodtary (BIC) qoldanylady
ALMATY. Jeltoqsannyń 25-i. QazAqparat - Qazaqstan bankterinde shottary bar jeke jáne zańdy tulǵalar 2010 jylǵy maýsymnyń 7-sine deıin IBAN óz nómirin alý úshin ózderiniń shottary ashylǵan bankke barýy tıis,
dep habarlaıdy QazAqparat QR Ulttyq bankiniń baspasóz qyzmetine silteme jasap.
2010 jylǵy maýsymnyń 1-inen bastap Qazaqstan aýmaǵynda ISO 13616: IBAN (International Bank Account Number - banktik shottyń halyqaralyq nómiri) jáne ISO 9362: BIC (Bank Identifier Codes - banktik sáıkestendirý kodtary) halyqaralyq standarttaryna negizdelgen klıentterdiń banktik shottarynyń jańa nómirleri jáne bankterdiń jańa banktik sáıkestendirý kodtary qoldanylady. klıentterdiń banktik shottarynyń jańa nómirleri jáne bankterdiń banktik sáıkestendirý kodtary (IBAN jáne BIC) qoldanylady.
Qarjylyq birlestikte keńinen qoldanylatyn banktik derektemelerdiń standarttaryn qoldaný bankterdiń jáne olardyń klıentteriniń Qazaqstannyń tólem júıesinde sáıkestendirý júıesin jetildirýge múmkindik beredi. Halyqaralyq tólemderdi óńdeýdi aıtarlyqtaı jyldamdatady. Halyqaralyq standarttarǵa aýysýdyń Qazaqstannyń álemdik ekonomıkaǵa yqpaldasýynyń qazirgi jaǵdaıynda da úlken máni bar. Klıentterdiń banktik shottarynyń jańa nómirleri men bankterdiń banktik sáıkestendirý kodtary (IBAN jáne BIC) Qazaqstan ishindegi jáne halyqaralyq tólemder úshin de qoldanylatyn bolady.
Qazaqstandyq IBAN 20 áripti-tsıfrlyq razrıadtardan (KZSSBBBHHHHHHHHH HHHH) turatyn bolady. Mundaǵy KZ - Qazaqstannyń kody, SS - baqylaý razrıady, BBB - banktiń kody (sandyq), HHHHHHHHHHHHH - bank klıenti shotynyń banaralyq nómiri (árbir bank óz betinshe belgileıdi). Kózben kórip qabyldaýdy jeńildetý maqsatynda shottyń nómirin qaǵaz tasymaldaýyshtarda árbir tórtinshi belgiden keıin arasyn bóle otyryp kórsetýge ruqsat beriledi. Alaıda, elektrondy nysandaǵy tólem jəne basqa qujattardy toltyrǵan kezde banktik shottyń nómiri bos oryn qaldyrylmaı engizilýi tıis. Sondaı-aq bul jaǵdaıda banktik shot nómiriniń aldyna eshqandaı da basqa qysqartýlardy qosýǵa bolmaıdy (mysaly, IBAN, A/C, Account No jəne t.b.).
Bas bankterdiń jańa BSK qurylymy 8 áripti-tsıfrlyq belgilerden (BBBBKZHH) turatyn bolady. Mundaǵy BBBB - banktiń ataýy (ataýlarynyń latyn áripteri), K Z - Qazaqstannyń kody, HH - ornalasqan jeriniń kody.
Banktiń banktik shotynyń nómiri jáne banktik sáıkestendirý kody tólem qujattaryn resimdeý kezinde mindetti derektemeleri bolyp tabylady. Halyqaralyq standart talaptaryna sáıkes banktik shottyń jańa nómirin berýge shot ıegeriniń banki ǵana quqyly. Osylaısha, Qazaqstan Respýblıkasynyń bankterinde shottary bar jeke jáne zańdy tulǵalar IBAN óz nómirin alý úshin 2010 jylǵy maýsymnyń 7-sine deıin (jańa banktik derektemelerdi qoldanysqa engizý kúni) ózderiniń shottary ashylǵan bankke barýy tıis. Eger tulǵanyń birneshe bankterde shottary bolsa, onda naqty shotqa sáıkes keletin IBAN nómirin ol osy shot ashylǵan bankte alady. 2010 jylǵy maýsymnyń 7-sinen bastap tólemderdi jáne aqsha aýdarymdaryn júzege asyrǵan kezde halyqaralyq standarttarǵa sáıkes keletin jańa banktik derektemelerdi ǵana kórsetýi qajet. Bank shottarynyń jáne banktik sáıkestendirý kodtarynyń burynǵy nómirlerin kórsetýge baılanysty tólemder jáne aqsha aýdarymdary qaıtarylýyn boldyrmaý úshin jeke jáne zańdy tulǵalar Qazaqstan Respýblıkasyndaǵy jáne shetelderdegi isker áriptesterin jáne basqa múddeli tulǵalardy/organdardy ózderiniń jańa banktik derektemeleri jáne olardyń qoldanysqa engizilý merzimderi týraly habardar etýi, sondaı-aq ózderiniń qazaqstandyq áriptesteri bankteriniń IBAN shottarynyń nómirlerin jáne jańa BIC sáıkestendirý kodtaryn bilýi tıis. Jańa jańa banktik derektemelerdi engizýge qatysty normatıvtik qujattarmen QR Ulttyq Bankiniń Internet-resýrsy, Tólem júıeleri/basylymdar (www.nationalbank.kz ) bóliminde tanysýǵa bolady.
