2010 jyldyń mamyrynda ortasha jan basyna shaqqandaǵy turǵyndardyń kiristeri 39 myń 120 teńgeni qurady - Statıstıka agenttigi
ASTANA. Shildeniń 12-si. QazAqparat /Aıdar Ospanalıev/ - Statıstıka agenttiginiń málimetteri boıynsha, 2010 jyldyń mamyr aıynda ortasha jan basyna shaqqandaǵy turǵyndardyń kiristeri 39 myń 120 teńgeni qurady.
Sóıtip, nomınaldy ósim 2009 jylǵy kórsetkishtermen salystyrǵanda - 16,3 paıyzdy, al naqty ósim 8,7 paıyzdy qurady. Bul málimettermen búgin jýrnalıstermen bolǵan baspasóz máslıhatynda Statıstıka agenttiginiń tóraǵasy Álıhan Smaıylov tanystyrdy.
Onyń derekterine qaraǵanda, 2010 jyldyń mamyr aıynda qyzmetkerlerge bólingen ortasha aılyq nomınaldy jalaqy 74 myń 791 teńgege jetip, ósim 2009 jyldyń sáıkes kezeńimen salystyrǵanda 15,0 paıyzdy qurady. Al 2009 jyldyń mamyr aıynyń jalaqysyna baılanysty ındeks 107,5 paıyz boldy.
Sondaı-aq 2010 jyldyń maýsym aıynyń málimetteri boıynsha, jumyssyzdar sany 495,9 myń adamdy qurap, jumyssyzdyq deńgeıi turǵyndardyń ekonomıkalyq jaǵynan belsendi bóliginiń 5,7 paıyzyn qurady. 2010 jyldyń maýsym aıynda jumyspen qamtý organdarynda jumyssyzdar retinde tirkelgender sany 69,5 myń adam boldy. Bul halyqtyń ekonomıkalyq jaǵynan belsendi bóliginiń 0,8 paıyzy. Al belgisiz jumyssyzdar sany 0,4 paıyzǵa jetip otyr.
