2010 jyldyń qyrkúıegindegi dástúrli taǵamdar baǵasynyń salystyrmaly sıpattamasy - «Qazagromarketıng» AQ
ASTANA. Qazannyń 22-si. QazAqparat - Tómendegi materıalda qazaqstandyq naryqta kóp tutynylatyn besbarmaq, palaý, qýyrdaq, kókónis salaty men borş baǵasynyń qyrkúıek aıyndaǵy salystyrmaly sıpattamasy berilgen. Buny «Qazagromarketıng» AQ daıyndaǵan. «Qazagromarketıng» «Bizdiń qazanymyz» dep atalatyn ındeksti endi aı saıyn jasap, halyq nazaryna usynbaq.
Besbarmaq
Eń qymbat besbarmaq Astana qalasynda daıyndalady eken, onyń baǵasy 1680 teńgeni quraıdy ( salystyratyn bolsaq, 2009 jyldyń qyrkúıek aıynda bul taǵamnyń quny - 1509 teńge bolǵan). Al tamyz aıymen salystyrǵanda elordada besbarmaq 2,95 paıyzǵa arzandaǵan. Ekinshi orynda Aqtaý qalasy tur - bul jerdegi ulttyq taǵamnyń baǵasy -1667 teńge, (tamyzda 1662 teńge bolǵan). Al eń arzan besbarmaq Taraz qalasynda satylady, ondaǵy besbarmaqtyń baǵasy - 1358 teńge, alaıda byltyrǵy jyldyń qyrkúıek aıymen salystyrǵanda 15 paıyzǵa qymbattaǵan.
Palaý
Eń qymbat palaý Astana qalasynda daıyndalady eken. Bul taǵam túrin daıyndaý úshin 601 teńgeniń azyq-túligi qajet (tamyz aıynda 511 teńge bolatyn). Ekinshi orynda Almaty qalasy tur, ondaǵy palaýdyń baǵasy - 566 teńge. Al, Aqtaý qalasy palaý baǵasynyń qymbattyǵy boıynsha úshinshi orynda, bul qalada palaýdy 564 teńgege satyp ala alasyz. Al eń arzan, 455 teńgege daıyndalatyn palaýdy Taldyqorǵan qalasynan kezdestiresiz.Osylaısha qyrkúıek aıynda palaýdyń quny respýblıka boıynsha orta eseppen alǵanda 511 teńgeni qurap otyr. Al, bir jyl buryn, ıaǵnı 2009 jyldyń qyrkúıeginde 459 teńgeni quraǵan. Sóıtip palaý baǵasy byltyrǵy jyldyń osy kezeńimen salystyrǵanda 15,65 paıyzǵa qymbattaǵan.
Qýyrdaq
Elimizdegi eń qymbat qýyrdaq Astana qalasynda daıyndalady. Elordadaǵy qýyrdaqtyń baǵasy - 561 teńge. Almaty qalasyndaǵy qýyrdaqtyń baǵasy - 536 teńgeny quraıdy, tamyz aıymen salystyrǵanda 2,99 paıyzǵa qymbattaǵan. Al Taldyqorǵan qalasynda 395 teńgege qýyrdaq alýǵa bolady. Qaýyrdaq baǵasy osy jylǵy tamyz aıymen salystyrǵanda 2,02 paıyzǵa, byltyrǵy jyldyń qyrkúıek aıymen salystyrǵanda 8,51 paıyzǵa qymbattaǵan.
Borş
Qazaqstandaǵyeń qymbat borş Almaty qalasynda daıyndalady eken, bul jerdegi baǵa - 697 teńge (tamyz aıynda 702 teńge bolǵan). Astana qalasynda da borş baǵasy Almatyǵa jeteqabyl, munda taǵamnyń bul túrin - 652 teńge satyp alýǵa bolady. Al, Aqtaý qalasynda borş 643 teńge turady (tamyz aıynda 648 teńge bolǵan). Osylaısha qyrkúıek aıymen salystyrǵanda elimizde borştyń baǵasy 2,45 paıyzǵa tómendegen.
Kókónis salaty
Eń qymbat kókónis salaty (qyzanaq, qııar, pııaz, ósimdik maıy men tuz) Astana qalasynda ázirlenedi, baǵasy - 221 teńge (tamyz aıynda 160 teńge turǵan). Pavlodar men Petrropavl qalalarynyń turǵyndary tıisinshe 155 jáne 144 teńgege kókónis salatyn daıyndaı alady. Eń arzan salat Taldyqorǵan (83 teńge), Taraz (88 teńge) jáne Qyzylorda (89 teńge) qalalarynda satylady. Sonymen, kókónis salatynyń quny tamyz aıymen salystyrǵanda 3,28 paıyzǵa, 2009 jyldyń qyrkúıek aıymen salystyrǵanda 15,58 paıyzǵa qymbattaǵan.
Jalpy alǵanda Qazaqstan boıynsha et jáne sút ónimderi aldyńǵy aıǵa qaraǵanda 3 paıyzǵa jýyq qymbattaǵan.
