2010 jyldyń qorytyndylary boıynsha Qyrǵyzstandy qospaǵanda, Ortalyq Azııa elderinde ekonomıkanyń ósýi baıqalady - Halyqaralyq valıýta qory
BІShKEK. 26 qarasha. QazAqparat /Arnur Rahymbekov/ - Qyrǵyzstandaǵy Halyqaralyq valıýta qorynyń ókildigi 2010 jyldaǵy ekonomıkalyq jaǵdaı týraly óz baıandamasyn jarııa etti.
Halyqaralyq valıýta qory mamandarynyń baǵalaýynsha, Qyrǵyzstandy qospaǵanda, Ortalyq Azııa elderinde ekonomıkanyń ósýi baıqalady. Bul týraly Bishkekte Halyqaralyq valıýta qorynyń jergilikti bólim bastyǵy Koba Gvenetadze málim etti.
«Qazynalyq yntalandyrý arqasynda 2010 jyldyń sońynda aımaq ekonomıkasynda ósý baıqalatyn bolady. Munaı eksporttaıtyn elderde ol kórsetkish joǵary bolady. Ósý kólemi eksport shyǵarýshylar úshin alty paıyz, ımporttaýshylar úshin úsh paıyzdy quraıdy dep kútilýde. Importtaýshy elder arasynda Armenııa men Grýzııada 4,5-5 paıyzdyq ósim baıqalatyn bolady. Aımaqtaǵy Qyrǵyzstan elinde ekonomıkanyń ósýi baıqalmaıdy, bul aǵymdaǵy jyldyń sáýir aıynda bolǵan saıası jaǵdaılarǵa baılanysty. Biz qyrǵyz ekonomıkasynyń tómendeýi 3,5 paıyzdy quraıdy dep boljap otyrmyz», - dedi Koba Gvenetadze.
