2010 jyldyń qańtar-shildesinde aýyl sharýashylyǵy salasyndaǵy ishki jalpy ónim 1,3 paıyzǵa artty - Á.Smaıylov
ASTANA. Tamyzdyń 12-si. QazAqparat /Gúlmıra Álıakparova/ - 2010 jyldyń qańtar-shildesinde aýyl sharýashylyǵy salasyndaǵy ishki jalpy ónim 2009 jyldyń sáıkes kezeńimen salystyrǵanda 1,3 paıyzǵa artyp, 460,0 mlrd. teńgeni qurady.
Bul týraly búgin ótken baspasóz máslıhatynda QR Statıstıka agenttiginiń tóraǵasy Álıhan Smaıylov málim etti.
Á.Smaıylovtyń aıtýynsha, atalmysh kezeńde fızıkalyq kólem ındeksi 87,8 paıyz boldy. «Bul ońtústik óńirlerde egin orý naýqanynyń aıaqtalyp jatqanymen jáne bıyl bul óńirde astyqtyń az bolatyndyǵymen baılanysty», - dedi ol.
Mal sharýashylyǵyndaǵy ósim - 3,4 paıyzdy qurady.
Sondaı-aq Agenttik tóraǵasy atap kórsetkendeı, kólik salasyndaǵy ósim - 106,8 paıyzdy, júk aınalymynda - 10,4 paıyzdy qurady. Onyń ishinde avtomobıl kóliginde - 22 paıyzǵa, qubyrlar arqyly munaı jáne gaz kondensatyn tasymaldaýda - 25 paıyzǵa jáne áýe kóliginde - 1,5 paıyzǵa artty.
