2010 jyldyń qańtar-maýsym aılarynda aýyl sharýashylyǵy jalpy ónim kólemi 363,2 mıllıard teńgege jetip, ósim 3,1 paıyzdy qurady
ASTANA. Shildeniń 12-i. QazAqparat /Aıdar Ospanalıev/ - 2010 jyldyń qańtar-maýsym aılarynda aýyl sharýashylyǵy jalpy ónim kólemi 363,2 mıllıard teńgege jetip, ósim 3,1 paıyzdy qurady. Bul týraly búgin jýrnalıstermen bolǵan baspasóz máslıhatynda Statıstıka agenttiginiń tóraǵasy Álıhan Smaıylov aıtty.
Onyń derekterine qaraǵanda, negizgi kapıtalǵa degen ınvestıtsııa 2010 jyldyń qańtar-maýsym aılarynda 1798,2 mıllıard teńgege jetip, bul kórsetkish ótken jyldyń sáıkes merzimimen salystyrǵanda 4,8 paıyzǵa kem boldy. Al jartyjyldyqtaǵy taýar aınalymynyń kólemi 170,3 mıllıard teńgege jetip, ósim ótken jyldyń sáıkes merzimimen salystyrǵanda 10,1 paıyzdy qurady. Sondaı-aq atalmysh merzimde bólshek saýda 13,1 paıyzǵa, kóterme saýda aınalymy 13,2 paıyzǵa artty. Azyq-túlikpen jáne sýsyndarmen qamtamasyz etý 5,3 paıyzǵa ósti.
