2010 jyldyń qańtar-qarasha aılarynda «Ýkraına munaı gazy» AK-y gazdy iske asyrý kólemin 25 paıyzǵa kóbeıtti
ASTANA. 24 jeltoqsan. QazAqparat - «Ýkraına munaı gazy» ulttyq aktsıonerlik kompanııasy 2010 jyldyń 11 aıy ishinde 2009 jyldyń sáıkes merzimimen salystyrǵanda gazdy iske asyrý kólemin 24,9 paıyzǵa - 39 mlrd. 954 mln. tekshemetrge deıin kóbeıtti.
Tıisti málimetter Ýkraına Energııa mınıstrligi materıaldarynda kezdesedi. Gazdy aqshalaı satý kólemi 52,9 paıyzǵa - 7,6 mlrd. dollarǵa deıin ósti, dep habarlaıdy RBK.
Onyń ishinde ekonomıkanyń daǵdarystan shyǵýy nátıjesinde óndiris jáne energetıka kásiporyndaryna gaz satý kólemi 59,7 paıyzǵa nemese 14 mlrd. 722 mln. tekshemetrge deıin kóbeıdi. Gaz baǵasynyń qymbattaýy saldarynan olardy jetkizip berý quny 72,2 paıyzǵa, ıaǵnı 4,9 mlrd. dollarǵa deıin ósti. Osy saýdadan túsken paıda 64 paıyzǵa - 4,6 mlrd. dollarǵa deıin artqan. Óndiris kásiporyndarynyń gazǵa qaryzy 6,6 esege - 313 mln. dollarǵa deıin ósipti.
