2010 jyldyń birinshi jarty jyldyǵynda ekonomıkalyq damý nátıjeleri aıtarlyqtaı ońtaıly - Premer-Mınıstr K. Másimov
ASTANA. Tamyzdyń 12-si. QazAqparat /Rýslan Ǵabbasov/ - «Samuryq- Qazyna» ál-aýqat qorynyń keńeıtilgen otyrysynda búgin atalǵan qor dırektorlar keńesiniń tóraǵasy, Úkimet basshysy Kárim Másimov «Samuryq -Qazyna» qorynyń zerdelengen jańa strategııasyn jasaýdy tapsyrdy.
«Meniń kózqarasym boıynsha, qazirgi kezeńde aǵymdaǵy jaǵdaıdy tyńǵylyqty zertteý kerek. Atap aıtqanda, «Samuryq- Qazyna» jáne onyń qurylymyna kiretin ulttyq kompanııalar úshin qordyń damýyn jańadan qaıtadan zerdelengen strategııasyn usyný qajet. Osy turǵyda aǵymdaǵy ekonomıkalyq ahýalmen aldymyzda turǵan mindetter eskerilýi tıis», dep atap ótti Úkimet basshysy.
«Birinshi kezekte nazardy korporatıvti basqarý máselesine aýdarý qajet», dedi K. Másimov. Osy oraıda Premer-Mınıstr endi mindetterdiń oryndalýyna ǵana emes, atap aıtqanda, aldaǵy maqsattardyń qanshalyqty tıimdi oryndalyp jatqandyǵyna, eńbek ónimdiligi qandaı deńgeıde ekenin, ár ulttyq kompanııanyń jumys tıimdiligi qanshalyqty ekeni mańyzdy bolyp tabylatyn jetkizdi.
«Osy máselelerdi ulttyq kompanııalar, «Samuryq -Qazyna» qory deńgeıinde qarastyrýy kerek. Jyl sońyna deıin «Samuryq- Qazyna» qorynyń dırektorlar keńesine, keıinnen Úkimet otyrysyna aldaǵy jyldarǵa negizdelgen damý strategııasyn usyný kerek. ıAǵnı, bul turǵyda tıimdilikti arttyrý máselesi basty nazarda bolýy tıis», dep tapsyrdy Úkimet basshysy Q. Kelimbetovke.
K. Másimov «Samuryq -Qazyna» qorynyń birinshi jarty jyldyqtaǵy jumysyn qorytyndylaı kele, qordyń aldyna qoıylǵan maqsat-mindetteriniń oryndalýyn oń baǵalady. «Meniń kózqarasym boıynsha, osy kezeńdi jaman ótkergen joqpyz. Jalpy 2010 jyldyń birinshi jarty jyldyǵynda ekonomıkalyq damý nátıjeleri aıtarlyqtaı ońtaıly», dep túıindedi Premer-Mınıstr.
