2010 jyldyń basynda Qazaqstan halqynyń sany 16 mıllıon 196,8 myń adamdy qurady
ASTANA. Aqpannyń 4-i.QazAqparat /Jasulan Amanbaıuly/ - 2010 jylǵy qańtardyń 1-indegi jaǵdaı boıynsha, Qazaqstan halqynyń sany 2009 jylǵy halyq sanaǵynyń málimetterin qosa alǵanda 16 mıllıon 196,8 myń adamdy qurady. Bul týraly búgin Astanada ótken brıfıngte QR Statıstıka agenttiginiń tóraǵasy Álıhan Smaılov aıtty,
dep habarlaıdy QazAqparat.
Onyń aıtýynsha, osy halyq sanaǵynyń qorytyndy derekterine sáıkes, qazaqtardyń úlesi 63,6 paıyzdy qurady. «Atap aıtqanda, qazaq halqy sanynyń ósimi baıqalyp, búginde ol 10098,6 myń adamǵa jetip otyr», - dedi Agenttik tóraǵasy.
Aıta keteıik, orys dıasporasynyń úlesi 23,3 paıyzdy, ózbekter 2,9, ýkraındar 2 paıyz, uıǵyrlar 1,4, tatar dıasporasy 1,2, nemister 1,1 , sondaı-aq basqa da etnostar 4 paıyzdy qurap otyr.
