2010 jyldyń basynan beri respýblıkamyzdyń ftızıatrlyq qyzmetteriniń baqylaýynda belsendi týberkýlez syrqatymen aýyratyn 28 800 adam tur - QR Densaýlyq saqtaý mınıstrligi
ASTANA. Maýsymnyń 25-i. QazAqparat - Búgin QR Densaýlyq saqtaý mınıstri Jaqsylyq Dosqalıevtiń tóraǵalyq etýimen Qazaqstan Respýblıkasy Úkimeti janyndaǵy densaýlyq qorǵaý jónindegi Ulttyq úılestirý keńesiniń otyrysy bolyp ótip, onda respýblıkamyzdaǵy týberkýlez aýrýyna qatysty epıdemıologııalyq ahýal máseleleri, onyń jetistikteri men problemalary qarastyryldy.
DDSU sońǵy baǵalaýlary boıynsha, 2008 jyly álemde týberkýlez aýrýynyń 9 mıllıon faktisi tirkelip, onyń saldarynan 1,7 mln. adam qaıtys boldy, sonyń ishinde JQTQ juqtyrǵandar men dárige tózimdi týberkilez syrqatyna ushyraǵan 400 000 adam da bar.
Qazaqstanda 2007 jyldan bergi sońǵy 3 jylda osy aýrýmen aýyratyndar sany 16,7 paıyzǵa kemip, adam ólimi kórsetkishi 28,7 paıyzǵa azaıdy, dep habarlaıdy QR Densaýlyq saqtaý mınıstrliginiń baspasóz qyzmeti.
2010 jyldyń birinshi qańtaryna shaqqanda respýblıkamyzdyń ftızıatrlyq qyzmetteriniń baqylaýynda belsendi týberkýlez syrqatyna ushyraǵan 28 800 aýrý tur
Aımaqtar úshin respýblıkalyq bıýdjet qarjysynan qymbat baǵaly qurylǵylar (torakoendobeınekopııalyq keshen, ÝZI apparaty, bıologııalyq sóreler, mıkrobıologııalyq, bıohımııalyq, gematologııalyq jáne ımmýnofermenttik saraptamalar) men rentgendik dıagnostıkalyq apparattar satyp alyndy.
2011 jyldan bastap týberkýlezge qarsy qyzmetterge arnalyp rentgendik dıagnostıkalyq 23 jyljymaly keshen satyp alý da josparlanyp otyr.
