2010 jyldyń basynan beri kólikke mas kúıinde otyrǵan ishki ister organdarynyń 89 qyzmetkeri ustaldy - ІІM
ASTANA. Qyrkúıektiń 20-sy. QazAqparat /Gúlmıra Álıakparova/ - 2010 jyldyń ótken 8 aıynda kólikke mas kúıinde otyrǵan ishki ister organdarynyń 89 qyzmetkeri ustaldy. Bul týraly búgin «Jol júrý qaýipsizdigi» taqyrybynda QR Іshki ister mınıstrliginiń resmı saıtynda ótken on-laın konferentsııada azamattardyń saýalyna jaýap bergen ІІM Jol polıtsııasy komıtetiniń tóraǵasy Qaırat Tynybekov málim etti.
On-laın rejimde saýal joldaǵan Anvar Qadyrov esimdi azamat, Qazaqstanda júrgizýshiler men jol polıtsııasy qyzmetkerleriniń arasynda sóılesý mádenıeti qalyptaspaǵandyǵyn, olardyń qarym-qatynastary jıi jaǵdaıda óz áreketteriniń durystyǵyn dáleldeýge tireletindigin aıtqan. «Meniń pikirimshe, joǵary jaqtan bastap sóılesý mádenıetine úıretetin áńgimeler ótkizý kerek. Polıtsııa qyzmetkerine jaı keńes suraý úshin taıanýǵa múmkin bolatyndaı burynǵy úrdisterge qaıta oralýymyz kerek», - deıdi ol.
Azamattyń suraǵyna jaýap bergen Q.Tynybekov, búgingi kúni oblystardaǵy Іshki ister departamentteriniń barlyq qurylymdarynda, jolda júrý erejelerin ózderi buzyp otyrǵan jol polıtsııasy ınspektorlary men ishki ister organdarynyń qyzmetkerleriniń jumystaryna qadaǵalaý júrgizetin baqylaý-profılaktıkalyq qurylymdar jasaqtalǵandyǵyn málim etti.
Máselen, onyń aıtýynsha, 2010 jyldyń ótken 8 aıynda ishki ister organdary qyzmetkerleriniń ústinen ákimshilik quqyqbuzýshylyq týraly 960 hattama toltyryldy, onyń ishinde 89-y kólikke mas kúıinde otyrǵany úshin. Sondaı-aq, 172 polıtseı tártiptik jazaǵa tartylsa, 23-i ishki ister organdarynan qýyldy.
«Bul baǵyttaǵy jumystar jalǵasýda jáne olar ІІM-niń jiti baqylaýynda», dedi komıtet tóraǵasy.
