2010 jyldyń alǵashqy onkúndigi barysynda 70 keli esirtki zattary zańsyz aınalymnan shyǵaryldy
ASTANA. Qańtardyń 13-i. QazAqparat /Arman Asqarov/ - Aǵymdaǵy jyldyń birinshi on kúninde 168 esirtki qylmysy, onyń ishinde 65 esirtki satý faktisi anyqtaldy.
Bul týraly búgin ótken aptalyq brıfıng barysynda QR ІІM Til saıasaty jáne aqparat departamentiniń bastyǵy Qýanyshbek Jumanov málim etti, dep habarlaıdy QazAqparat.
Onyń málimeti boıynsha osynyń nátıjesinde 70 kg jýyq esirtki zattary zańsyz aınalymnan shyǵaryldy. Onyń ishinde 6,5 kg geroın men 3 kg gashısh bar. Osy oraıda Mańǵystaý, Ońtústik-Shyǵys jáne Jambyl oblystary boıynsha ishki ister departament qyzmetkerleriniń eńbegi zor. Máselen, Jambyl oblysynyń Merki stansysynda Almaty oblysynyń 29 jastaǵy turǵyny ustaldy. Odan jalpy salmaǵy 5 kılogramm 400 gramm geroın tárkilendi. Ustalǵan azamattyń paıymdaýynsha, ol esirtkini taýyp alǵan jáne jeke tutyný úshin alǵan. Qazirgi ýaqytta esirtki quraldaryn satyp alý kózi anyqtalýda.
