2010 jyldyń 11 aıynda qazaqstandyq tólem júıelerinde tólemder sany men kóleminiń artýy baıqaldy
ALMATY. 7 jeltoqsan. QazAqparat /Erbol Azanbek/ - Elimizdiń tólem júıelerinde tólemder sany men kóleminiń ósýi baıqalady.
Bul týraly búgin QR Ulttyq bankiniń baspasóz máslıhatynda aıtyldy.
Máselen 2010 jylǵy 11 aıda tólem júıeleri arqyly júrgizilgen tólemder kólemi 169,4 trln. teńge (jalpy kólemi 1149,9 mlrd. AQSh dollary) somaǵa 27,0 mıllıon tranzaktsııa bolǵan. Bul 2009 jyldyń osyndaı kezeńimen salystyrǵanda 15,8 paıyzǵa (3,7 mln. tranzaktsııaǵa) artyq. Tólemder somasy 18,7 paıyzǵa ( 26,7 trln. teńgege) ósken.
Tutastaı alǵanda, 2010 jyldyń 11 aıynda Bankaralyq klırıng júıesindegi tólemder aǵyny 2 917,1 mıllıard teńge (19,8 mıllıard AQSh dollary) somaǵa 16,6 mıllıon qujatty quraǵan. 2009 jyldyń osyndaı kezeńimen salystyrǵanda klırıng júıesindegi qujattardyń sany 15,7 paıyzǵa ulǵaıǵany, tólemder somasy 19,8 paıyzǵa óskeni baıqalǵan. Bankaralyq klırıng júıesinde bir tólem qujatynyń ortasha somasy 175,9 myń teńgeni qurap, 2009 jyldyń 11 aıymen salystyrǵanda 3,5 paıyzǵa ulǵaıǵan.
