2010 jyldyń 1 toqsanynda Qazaqstanda JІÓ-niń ósimi 7,1 paıyzdy qurady

dep habarlaıdy QazAqparat QR Statıstıka agentiginiń búgingi taratqan habarlamasyna silteme jasap.

«2010 jylǵy qańtar-naýryzdaǵy jedel derekter boıynsha jalpy ishki ónim kólemi aǵymdaǵy baǵalarda 3881,6 mlrd. teńgeni qurady. 2009 jylǵy sáıkes kezeńmen salystyrǵanda JІÓ-niń naqty ósýi 7,1% paıyzdy qurady», delingen agentiktiń habarlamasynda.

Agenttiktiń málimetinshe, JІÓ qurylymynda taýar óndirý úlesi JІÓ-nen 41,1 paıyzdy, al qyzmet kórsetý - 55,8 paıyzdy qurady.

Aıta keteıik, osy seısenbidegi Úkimet otyrysynda Premer-Mınıstr Kárim Másimov Qzaqstanda 2010 jyldyń alǵashqy 4 aıynda Іshki jalpy ónimniń ósimi 7,6 paıyzdy quraǵanyn málimdedi. «2008-2009 jyldarda bizder ekonomıkanyń bir salasynan ekinshi salasyna ótken daǵdarys jaǵdaıynda ómir súrdik. Qazir tonneldiń sońyndaǵy jaryq aıqyn kórinip tur. Maǵan búgin tańerteń Statıstıka agenttigi alǵashqy 4 aıdyń nátıjesin baıandady. Olar aıtarlyqtaı kóńil qýantady. Alǵashqy 4 aıda ishki jalpy ónim aldyn ala derek boıynsha, 7,6 paıyzdy qurady», dedi Premer-Mınıstr. Úkimet basshysynyń pikirinshe, bul is júzinde táýir nátıje bolyp tabylady.