2010 jyldyń 1-shi toqsanynda «QazMunaıGaz» Ulttyq kompanııasy munaı men gazkondensatyn óndirýdi ulǵaıtty
STANA. Sáýirdiń 14-i. QazAqparat - «QazMunaıGaz» ulttyq kompanııasy 2010 jyldyń 1-shi toqsanyndaǵy óndiristik qyzmetiniń aldyn ala qorytyndysyn shyǵardy.
«2010 jyldyń qańtar-naýryz aılarynda «QazMunaıGaz» UK» AQ-nyń qatysý úlesin esepke alǵandaǵy munaı jáne gaz kondensatynyń jalpy óndirilýi josparly kórsetkishten 4 paıyzǵa artyq oryndalyp, 5 314,9 myń tonnany qurady», delingen baspasóz habarlamasynda.
2010 jyldyń 1-shi tosqanynda ótken jyldyń sáıkesinshe kezeńimen salystyrǵanda «QazMunaıGaz» UK» AQ-nyń qatysý úlesin esepke alǵandaǵy munaı jáne kondensattyń jalpy óndirilýi 878,8 myń tonnaǵa nemese 19,8 paıyzǵa ósken. Ósim «Mańǵystaýmunaıgaz» AQ-nyń shoǵyrlandyryp óndirýi (696,2 myń tonna) esebinen jáne «Teńizshevroıl» JShS-i men basqa da kompanııalardyń óndirýdi ulǵaıtýynan qamtamasyz etilip otyr.
2010 jyldyń naýryzynda «QazMunaıGaz» UK» AQ-nyń qatysý úlesin esepke alǵandaǵy munaı jáne gaz kondensatynyń jalpy óndirilýi josparly kórsetkishten 2,9 paıyzǵa artyq oryndalyp, 1 827,5 myń tonnany qurady.
