2010 jyldyń 1-shi toqsanda elimizdiń kásiporyndary 2 trln. 700 mlrd. teńgeniń ónimderin shyǵardy - Á. Isekeshev
ASTANA. Sáýirdiń 20-sy. QazAqparat /Ernur Aqanbaı/ -2010 jyldyń 1-shi toqsanda elimizdiń ónerkásip kásiporyndary 2 trln. 700 mlrd. teńgeniń ónimderin shyǵardy.
Bul týraly búgin Úkimet otyrysynda Premer-Mınıstrdiń orynbasary-Indýstrııa jáne jańa tehnologııalar mınıstri Áset Isekeshev málim etti, dep habarlaıdy QazAqparat.
«Qazaqstan aǵymdaǵy jyldyń 1-shi toqsanynda ónerkásip salalarynda jaqsy kórsetkishterge jetip otyr. Jalpy ótken jyldyń 1-shi toqsanymen salystyratyn bolsaq, barlyq oblystardyń kórsetkishteri joǵary. 1-shi toqsanda elimizdiń ónerkásiptik kásporyndary 2 trln. 700 mlrd. teńgeniń ónimderin shyǵaryp, fızıkalyq kólem ındeksiniń deńgeıi 111,5 paıyzdy qurady», dedi otyrysta Á. Isekeshev.
Onyń aıtýynsha, Qostanaı oblysy (142 paıyz), Ońtústik Qazaqstan oblysy (138), Pavlodar oblysy (137 paıyz) jáne Jambyl oblysy (123 paıyz) barynsha joǵary ósimdi kórsetti. Salalyq bóliniste mynadaı nátıjeler qalyptasty. Taý-ken ónerkásip salasynyń kásiporyndary - 1,7 trln. teńgeniń ónimderin shyǵardy, sóıtip fızıkalyq kólem ındeksiniń deńgeıi byltyrǵy jyldyń uqsas kezeńimen salystyrǵanda 7,8 paıyzǵa artqan. «Bizde barynsha jaqsy kórsetkishti óńdeýshi ónerkásip kórsetip otyr. 1-shi toqsanda óńdeýshi ónerkásiptiń kásiporyndary 742 mlrd. teńgeniń ónimderin óndirdi. Bul kórsetkish ótken jyldyń uqsas kezeńindegiden 18,7 paıyzǵa artyq», dedi ol.
Onyń sózine qaraǵanda, hımııa ónerkásibinde 21,6 mlrd. teńgeniń ónimderi óndirilgen.
