2010 jyldan bastap memlekettik organdardaǵy qujat aınalymy elektrondyq bolady - Q. Esekeev

sp;ASTANA. Jeltoqsannyń 3-i. QazAqparat /Jasulan Amanbaıuly/ - 2010 jyldan bastap memlekettik organdardaǵy qujat aınalymynyń negizgi bóligi elektrondyq júıege aýystyrylady. Bul týraly búgin Astanada memlekettik organdardaǵy elektrondyq qujat aınalymy jáne ınternet-portaly máselelerine arnalǵan ǵylymı-tájirıbelik konferentsııa barysynda QR Aqparattandyrý jáne baılanys agenttiginiń tóraǵasy Qýanyshbek Esekeev málim etti,

 dep habarlaıdy QazAqparat.

Qazaqstanda Elektrondyq Úkimet baǵdarlamasy sheńberinde memlekettik organdardaǵy qujat aınalymyn elektrondyq júıege kóshirý jumystary 3-4 jyl buryn qolǵa alyna bastady. «Elektrondyq qujat aınalym júıesi jobasynyń engizilýi kezinde birqatar problemalar boldy. Kóptegen qarama-qaıshylyqtar men daýly jaqtary boldy. Degenmen, búgingi kúngi jaǵdaı boıynsha, túrli organdardaǵy qujat aınalymy salasyndaǵy elektrondyq baılanys jáne qarym-qatynasty ornatý jumystarynyń basym úlesi oryndaldy», deıdi Q.Esekeev.

«Búginde elektrondyq qujat aınalymynyń biryńǵaı júıesine 65 memlekettik organ jáne  oblystar men Almaty, Astana qalalarynyń ákimdikteri qosylǵan. Shamamen bul júıeni 8 myńnan asa memlekettik qyzmetshi paıdalanady», deıdi agenttik tóraǵasy.

Ǵylymı-tájirıbelik konferentsııa atalmysh júıeni engizý jáne ony damytý máselelerin, sondaı-aq onyń quqyqtyq, uıymdyq jáne tehnıkalyq qamtamasyz etý jaqtaryn talqylaý maqsatynda Aqparattandyrý jáne baılanys agenttigimen uıymdastyryldy.

Onyń jumysyna QR Prezıdenti Ákimshiliginiń, QR Premer-Mınıstriniń keńsesiniń, «Zerde» aqparattyq-kommýnıkatsııalyq holdınginiń, otandyq jáne shet el aqparattyq tehnologııalar salasyndaǵy IBM kompanııalarynyń ókilderi qatysýda.