«2010 jyl - turaqty ekonomıkalyq damýǵa kóshý jyly bolýy tıis» - respýblıkalyq basylymdarǵa sholý

***

Keshe Aqordada Memleket basshysy Nursultan Nazarbaevtyń tóraǵalyǵymen arnaıy keńes ótkizilip, onda Úkimettiń esebi tyńdaldy. Keńeske Premer-Mınıstr K.Másimov, Prezıdent Ákimshiliginiń Basshysy A.Mýsın, Premer-Mınıstrdiń orynbasarlary jáne Úkimet músheleri qatysty. Keńes barysynda Premer-Mınıstr Kárim Másimov Elbasyna elimizdiń 2009 jylǵy áleýmettik-ekonomıkalyq damýynyń qorytyndylary jáne 2010 jylǵa arnalǵan damý jospary týraly esep berdi. Osyǵan oraı «Egemen Qazaqstan» gazetinde «Atqarylǵan jumystar aýqymdy, alda turǵan mindetter de az emes. Úkimet Memleket basshysy aldynda esep berdi» degen taqyryppen maqala jarııalandy. Onda «Qıyndyqtarǵa qaramastan, biz kóptegen jańa óndiris oryndaryn ashtyq. Osynyń arqasynda jumyssyzdyqty qysqarttyq, ınflıatsııany tómendettik, «Jol kartasyn» júzege asyrý barysynda elimizdiń turǵyndary úshin asa qajet úlken jumystardy atqardyq. Halyqqa qajetti áleýmettik jaǵdaılar jasalyndy. Jańa mektepter, aýrýhanalar salyndy. Jol salý, sapaly aýyz sýmen qamtamasyz etý máseleleri keń aýqymda sheshildi. Ásirese, biz burynnan qordalanyp qalǵan, qolymyz jetpeı júrgen kommýnaldyq júıelerdi jańǵyrtý jumystaryn jasap, aýqymdy mindetterdi júzege asyrdyq. Tarıh tabaldyryqtan attaǵan 2010 jyly bizdi budan da aýqymdy mindetter kútip tur. 2010 jyl biz úshin 2020 jylǵa deıingi strategııalyq damý baǵdarlamamyzdy júzege asyrý negizinde Qazaqstandy serpindi ósýdiń turaqty traektorııasyna shyǵaratyn jyl bolýy tıis», degen Elbasynyń sózi keltirilgen.

Elbasynyń tóraǵalyǵymen ótken alqaly jıyn «Aıqyn» gazetiniń de nazarynan tys qalmaǵan. Basylymnyń «2010 jyl - turaqty ekonomıkalyq damýǵa kóshý jyly bolýy tıis» degen taqyryppen berilgen maqalasynda osy basqosý keńinen jazylǵan. Keńes barysynda Memleket basshysy Úkimetke údemeli ındýstrııalyq-ınnovatsııalyq damý baǵdarlamasyn júzege asyrýǵa jeke ınvestıtsııalardy kóptep tartý máselesin pysyqtaýdy tapsyrǵan. «Elbasynyń aıtýynsha, «memleket úshin, halyq úshin, keleshek urpaq úshin asa mańyzdy baǵdarlamany júzege asyrýǵa qomaqy qarjy kerek. Sondyqtan atalǵan baǵdarlama qarjylyq resýrstarmen tolyqtaı qamtamasyz etilýi tıis. Árıne, bıýdjettik shyǵyndar da bolady. Alaıda, ekpindi jeke ınvestıtsııalarǵa, sonyń ishinde sheteldik ınvestıtsııaǵa da túsirýge týra keledi», dep jazady basylym.

Úkimettiń Memleket basshysy aldyndaǵy jyldyq esebine toqtalǵan «Lıter» basylymy «Keshe mınıstrler emtıhannan ótti», dep jazady. Esepterdi tyńdaǵan Elbasy óz eskertpelerin jasaǵan. Olardyń qatarynda respýblıkanyń kadr rezervi, bank júıesindegi jaǵdaı, shaǵyn jáne orta bıznesti belsendirý jáne el damýynyń basymdyqtaryna qatystylary boldy. Sonymen qatar QR Prezıdenti Qazaqstannyń damý baǵdaryn ózgertetindigin de atap ótken.

Al «Ekspress-K» gazetiniń jazýynsha, Memleket basshysy munaı sektoryna keńinen toqtalyp, olarda qazaqstandyq ınjener mamandardyń tym az ekendigin atap ótken. Bul salada jumys isteıtin sheteldik kompanııalardyń menedjerlik quramynda qazaqstandyq mamandar 2-3-eý ǵana ekendigin aıtqan.

«Jyl jumysy qorytyndylandy». Qańtardyń 22-sinde Bas Prokýror Qaırat Mámıdiń tóraǵalyq etýimen 2009 jyldyń jumys qorytyndylaryn talqylaǵan jáne aldaǵy kezeńdegi qyzmet basymdyqtaryn aıqyndaǵan Bas prokýratýranyń keńeıtilgen alqa májilisi bolyp ótti. «Egemen Qazaqstan» gazetiniń jazýynsha, Ótken jyly prokýratýra organdary áleýmettik-ekonomıkalyq salada zańdylyqty qadaǵalaý tártibimen 23 myńnan astam tekserýler júrgizip, jarty mıllıonǵa jýyq azamattyń konstıtýtsııalyq quqyqtaryn qorǵaǵan. Prokýrorlyq yqpal etý sharalarynyń negizinde 38 myńnan artyq zańsyz quqyqtyq aktiler kúshin joıdy nemese ózgertilgen. 52 myńnan astam tulǵa túrli jaýapkershilikke tartylyp, memleket paıdasyna 55 mlrd. teńgeden astam qarjy óndirilgen.

«Egemen Qazaqstan» gazetiniń jazýynsha, keshe Májiliste palata Tóraǵasy, «Nur Otan» halyqtyq-demokratııalyq partııasy fraktsııasynyń jetekshisi Oral Muhamedjanovtyń tóraǵalyǵymen fraktsııa jınalysy bolyp ótti. Oǵan partııa Tóraǵasynyń birinshi orynbasary Nurlan Nyǵmatýlın qatysqan. Kún tártibinde Memleket basshysy, partııa Tóraǵasy N.Á.Nazarbaevtyń 6 naýryzdaǵy Joldaýynda, «Nur Otan» partııasynyń kezekten tys HІІ sezinde jáne tórtinshi shaqyrylymdaǵy Parlamenttiń úshinshi sessııasyn asharda júktegen mindetterdi oryndaýda fraktsııanyń atqarǵan jumysy saralanǵan. Parlament qabyrǵasyndaǵy jıyn basylymnyń senbilik nómirinde «Aımaqtarǵa jiti kóńil bólý - ýaqyt talaby» degen taqyryppen berilgen.

Bul jıyn jaıynda egjeı-tegjeıli jazylǵan kelesi maqala «Aıqyn» gazetinde de basyldy.

«Keshe elordada Memlekettik hatshy - Syrtqy ister mınıstri Qanat Saýdabaev EQYU-nyń Taýly Qarabaqtaǵy jaǵdaıdy retteý jónindegi Mınsk tobynyń ókilderimen kezdesti. Bul kezdesý Taýly Qarabaqtaǵy shıelenisti jaǵdaıdy úılestirýge baǵyttaldy. Basqosýǵa Mınsk tobynyń teń tóraǵalary - Frantsııa, Reseı, AQSh sekildi elderdiń ókilderi qatysyp, atalǵan másele jóninde óz oı-paıymdaryn tarqatyp berdi», dep jazady «Egemen Qazaqstan» gazeti. Bul kezdesý tarqatylyp jazylǵan maqala atalǵan basylymnyń búgingi nómirinde «Shıelenisti jaǵdaılar basty nazarda» degen taqyryppen jarııalandy.

Bul kezdesýge toqtalǵan «Aıqyn» gazetiniń jazýynsha, EQYU Mınsk tobynyń teń tóraǵasy ıÝrıı Merzlıakov «EQYU-nyń tóraǵasy Q.Saýdabaevpen ótken kezdesýdi joǵary baǵalaımyz. Júzdesýdiń EQYU tóraǵasynyń Ońtústik Kavkaz memleketteri boıynsha óńirlik sapary aldynda uıymdastyrylýynyń mańyzy zor. Q.Saýdabaev Taýly Qarabaq janjalynyń shyǵý túbi, onyń órshýi jaıynda jan-jaqty habardar ekendigin kórsetti. Negizi óńirdegi janjal 1990 jyldyń basynda taza ishki memleketaralyq sıpat alǵan bolatyn. Aldaǵy ýaqytta bul maqsattaǵy jumys jemisti bolar degen senim bar», degen. Maqala «Qazaqstannyń mindeti - Taýly Qarabah janjalyn retteý» degen taqyryppen basyldy.

«Keńes Odaǵynyń Batyry Baýyrjan Momyshulynyń týǵan kúniniń 100 jyldyǵyna oraı máskeýlik mektepterdiń birine batyrdyń aty beriletin bolady. Bul týraly kelisimge Qazaqstannyń Reseıdegi Elshisi Zaýytbek Turysbekov pen Máskeý meri ıÝrıı Lýjkovtyń kezdesýi barysynda qol jetkizildi», dep jazady «Aıqyn» gazeti. Maqala basylymnyń senbilik sanynda «Máskeýdegi mektepke Momyshulynyń esimi berildi» degen taqyryppen jaryq kórdi.

«Jýrnalıstıkanyń úlken úsh mektebinen óttim». Osy taqyryppen «Astana aqshamy» gazetinde jarııalanǵan kólemdi suhbat Jýrnalıstıka máselelerin zertteý ınstıtýtynyń dırektory, professor Namazaly Omashevpen arada órbigen.

«Astana aqshamy» gazetiniń búgingi sanynda elordanyń úsh aýdany ákimderiniń halyq aldyndaǵy eseptik kezdesýleri jaıynda jazylǵan maqalalar jaryq kórgen.

«Astanadaǵy «Dáýlet» sport kesheninde bir apta boıy ótip jatqan Qazaqstan chempıonatynyń jartylaı fınaldyq jekpe-jekteri keshe keshkisin aıaqtaldy. Sharshy alańǵa shyqqan 44 boksshynyń teń jartysy el chempıony ataǵy úshin talasatyn bolady», dep jazady «Astana aqshamy» gazeti. Aqtyq báseke búgin ótedi.