2010-2014 jyldary ınvestıtsııalardyń ósý qarqyny jylyna ortasha 3,6 paıyzdy quraıtyn bolady

Bul belsendi tehnologııalyq jańǵyrtý júrgizýge múmkindik beretin negizgi kapıtaldyń jınaqtalýynyń jetkilikti joǵary ósýin qamtamasyz etedi. Úkimettiń qaýlysymen bekitilgen elimizdiń 2010-2014 jyldarǵa arnalǵan áleýmettik-ekonomıkalyq damýynyń boljamynda osylaı atap kórsetilgen, dep habarlaıdy QazAqparat.

Úkimet mundaı boljamdardy eldiń ekonomıkalyq áleýetine baılanysty jasap otyr. Orta merzimdi kezeńdegi negizgi teńgerimdi ekonomıkalyq ósý ınvestıtsııalyq úderisterdi jáne tutynýshylyq belsendilikti yntalandyrýǵa yqpal etetin bolady.

2010-2014 jyldary tutynýdyń ósýi ortasha 2,6 paıyzdy quraıdy. Bul rette, memlekettik tutyný úı sharýashylyqtaryndaǵy tutynýmen salystyrǵanda barynsha joǵary qarqynmen ósedi.

Tutastaı alǵanda, aldaǵy kezeńde Úkimet JІÓ-niń quramdaýyshtary qamtamasyz etiletinin málimdep otyr.