2010-2011 oqý jylynda memlekettik bilim granttaryna ıe bolǵan azamattardyń tizimderi jarııalandy

Memlekettik bilim granttary Qazaqstannyń barlyq joǵary oqý oryndaryna barlyq mamandyqtar boıynsha úlestirildi.

2010-2011 oqý jylynda bólingen grantttardyń jalpy sany - 35 425. Onyń 34 425-i - kúndizgi, 1000 - syrttaı oqý bólimderine arnalǵan. Atalmysh granttar negizinde sondaı-aq, M.Lomonosov atyndaǵy Máskeý memlekettik ýnıversıtetiniń qazaqstandyq fılıalyna túsken stýdenttterdi oqytý, Túrik Respýblıkasynan jáne basqa da túrkitildi memleketterden kelgen stýdentterdi ıAsaýı atyndaǵy Qazaq-túrik halyqaralyq ýnıversıtetinde oqytý, Aqparattyq tehnologııalar halyqaralyq ýnıversıtetinde bilim alý, Nazarbaev ýnıversıtetinde jáne JOO-lardaǵy aldyn ala daıyndaý bólimsheleriniń tyńdaýshylaryn oqytý qarastyrylǵan.

Aıta keteıik, memlekettik bilim granttaryn taǵaıyndaý konkýrsynda barlyǵy 82 607 talapkerdiń ótinishi qaraldy, onyń ishinde qazaq tildi - 57 828, orys tilde - 24 779. Olardyń arasynda 2400-i «Altyn belgi» tósbelgisiniń ıegeri, 1101 - halyqaralyq, respýblıkalyq olımpıadalar men ǵylymı saıystardyń, baıqaýlardyń jáne sporttyq jarystardyń jeńimpazdary.

Granttar UBT men keshendi testileýler nátıjelerine sáıkes berilgen sertıfıkattardyń upaı sandary boıynsha taǵaıyndaldy.

Granttardy úlestirý barysynda «Altyn belgi» ıegerlerine, halyqaralyq, respýblıkalyq olımpıadalar men ǵylymı saıystardyń, baıqaýlardyń jáne sporttyq jarystardyń jeńimpazdaryna basymdyq berildi.