2009 jyly turǵyn úı naryǵynda baǵanyń tómendeýi baıqaldy - Statıstıka agenttigi
ASTANA. Qańtardyń 11-i. QazAqparat /Qanat Mámetqazyuly/ - 2009 jyly elimizdegi turǵyn úı naryǵynda baǵanyń tómendeýi baıqaldy,
dep habarlaıdy QazAqparat.
Statıstıka agenttiginiń málimetterine qaraǵanda, 2009 jyly bunyń aldyndaǵy jylmen salystyrǵanda jańa turǵyn úıdiń baǵasy 6,9 paıyzǵa, turmysqa jaıly turǵyn úılerdi alyp-satý 6,7 paıyzǵa, al odan tómen sanattaǵy turǵyn úılerdi alyp-satý 5,3 paıyzǵa tómendegen. Sondaı-aq byltyrǵy jyly jaqsy jabdyqtalǵan turǵyn úılerdi jalǵa berý de 3,6 paıyzǵa arzandaǵan. Atap aıtqanda, byltyrǵy jyldyń jeltoqsan aıynda jańa turǵyn úılerdi satý baǵasy bir sharshy metrine 137 myń 279 teńgeni qurasa, turmysqa jaıly turǵyn úılerdiń baǵasy sharshy metrine 100 myń 829 teńgeni quraǵan. Sondaı-aq alyp-satý boıynsha kórkeıtilmegen sanattaǵy turǵyn úılerdiń sharshy metri 59 myń 143 teńge deńgeıinde boldy.
