2009 jyly sybaılas jemqorlyq faktileri boıynsha 1,5 myńnan astam memlekettik qyzmetker qylmystyq jaýapkershilikke tartyldy - Qarjy polıtsııasynyń tóraǵasy
ASTANA. Sáýirdiń 28-i. QazAqparat /Gúlmıra Álıakparova/ - Qarjy polıtsııasy 2009 jyly sybaılas jemqorlyq faktileri boıynsha 1,5 myńnan astam memlekettik qyzmetkerdi qylmystyq jaýapkershilikke tartty. Bul týraly búgin «Nur Otan» HDP-da ótken baspasóz máslıhatynda QR Ekonomıkalyq qylmysqa jáne sybaılas jemqorlyqqa qarsy kúres agenttiginiń (Qarjy polıtsııasy) tóraǵasy Qaırat Qojamjarov málim etti.
Búgingi kúni respýblıka boıynsha memlekettik qurylymdarda 90 myńǵa jýyq memlekettik qyzmetker jumys isteıdi. «Ótken jyly biz 1,5 myńnan astam qyzmetkerdi qylmystyq jaýapkershilikke tarttyq. Statıstıka jyldan-jylǵa shamamen 5-7 paıyzǵa artý úderisin kórsetip otyr. Elbasy óziniń Joldaýynda quqyq qorǵaý organdarynyń qyzmetteri sanǵa emes, sapaǵa baǵyttalýy tıistigin atap aıtqan bolatyn. Biz jumysymyzdy qaıta qurylymdap jatyrmyz. Meniń oıymsha, biz baǵdarymyzdy iri laýazymdy qyzmette otyrǵan jáne bedeli joǵary tulǵalardyń áreketteriniń jolyn kesip, solarmen kúresýge baǵyttaýymyz kerek», - dep atap ótti ol.
Sondaı-aq ol, sáýirdiń 26-sy kúni bastalyp úlgermegen «Taza sessııa» respýblıkalyq aktsııasynyń aıasynda Qarjy polıtsııasy organdaryna joǵary oqý oryndarynan 3-4 habarlama kelip túsken. Eske sala keteıik, «Taza sessııa» dástúrli aktsııasyn Bilim jáne ǵylym mınıstrliginiń qoldaýymen «Nur Otan» HDP «Jas Otan» jastar qanaty men Qarjy polıtsııasy ótkizýde.
