2009 jyly munaı men gaz kondensatyn óndirý 75,8 mıllıon tonna kóleminde bolady dep kútilýde
ASTANA. Qarashanyń 2-si. QazAqparat /Rýslan Ǵabbasov/ - Bıylǵy jyldyń 9 aıynda munaı jáne gaz kondensatyn óndirý 56,2 mıllıon tonnany qurady.
Bul týraly búgin Úkimette ótken selektorlyq keńeste Energetıka jáne mıneraldy resýrstar vıtse-mınıstri Lázzat Qıynov málim etti, dep habarlaıdy QazAqparat.
«Bul kórsetkishti ótken jyldyń deńgeıimen salystyrsaq, shamamen 107,7 paıyzdy quraıdy», dedi ol.
Vıtse-mınıstrdiń sózine qaraǵanda, 2009 jyly munaı men gaz kondensatyn óndirý 75,8 mıllıon tonna kóleminde bolady dep kútilýde. Ol byltyrǵa qaraǵanda 107,3 paıyzdy quramaq.
«9 aıdyń ishinde 8,7 mıllıon tonna munaı óńdeldi. Onyń ishinde benzın - 1 mıllıon 864 myń tonna, dızel otyny - 2 mıllıon 852 tonna, mazýt - 2 mıllıon 320 myń tonna, sondaı-aq avıakerosın -250,5 myń tonnaǵa jetti», dedi ol.
Óńdeýge qatysty qazirgi kezde artta qalý máselesi oryn alyp otyrǵanyn, alaıda jyl qorytyndysy boıynsha ótken jyldyń deńgeıi oryndalatynyna toqtalǵan L. Qıynov, «naýryz-mamyr aılarynda otyndy tutyný kólemi tómendep ketti. Al tamyz aıynan bastap kórsetkishter joǵarylaı bastady», dedi.
