2009 jyly Qazaqstanda maqta ósirý aýmaqtary azaıdy - Baqyt Ilıasov

trong>Qarashanyń 5-i. QazAqparat /Názıra Eleýhan/ - Elimizdiń aýylsharýashylyq ónimderiniń ishinde maqta eksportqa shyǵarý kólemi boıynsha  bıdaıdan keıin ekinshi oryndy alyp otyr.

Bul týraly búgin Almatyda ótken   4-shi toqyma kongresi barysynda Aýyl sharýashylyq mınıstrliginiń jer isteri men fıtosanıtarlyq qorǵaý departamenti dırektorynyń  orynbasary Baqyt Іlııasov  aıtty, dep habarlaıdy QazAqparat.

Onyń aıtýynsha 2003 jyly maqtadan túsken eksporttyq túsim  139,3 mıllıon dollardy qurasa,  bıdaıdan  -  565,0  mıllıon dollardy quraǵan. Al, 2008 jyly - 128  mıllıon dollardy qurasa,  bıdaı  -   1633,8  mıllıon dollardy quraǵan. Elimizde 2009 jyly maqta egý aýmaqtary 140 myń gektar boldy. Eksportqa shyǵarylatyn bir tonna maqta baǵasy búgingi kúni orta eseppen alǵanda - 1257,2 dollardy qurap otyr.

"Jeńil ónerkásip damýynyń negizi bolyp sanalatyn shıkizatty qaıta óńdeý men maqta óndirisin damytý - elimizdiń agrarlyq salasynyń aldynda turǵan mańyzdy  strategııalyq máselelerdiń biri», dedi ol.

«Álemdik ekonomıka damýynyń tómendeýine baılanysty jáne  birneshe jyl boıy baıqalǵan sý resýrstarynyń jetkiliksizdiginen, elimizde maqta ósirý aýmaqtary 199,5 myń gektardan 178,6 myń gektarǵa deıin qysqardy», dep atap ótti B. Іlııasov.

Maqta boıynsha Halyqaralyq keńes komıtetiniń málimetteri  boıynsha, 2009 jyly maqta óndirisi 10 paıyzǵa deıin azaıyp, 23,7 mıllıon tonnany qurady.