2009 jyly Qazaqstan Reseıge 378 tonna et jáne et ónimderin eksporttady - AShM
ASTANA. Aqpannyń 20-sy. QazAqparat /Jasulan Amanbaıuly/ - 2009 jyly Qazaqstan Reseıge 378 tonna et jáne et ónimderin eksporttady. Bul týraly búgin elordadaǵy «Álem» saýda ortalyǵynda et satýshylarmen jáne tasymaldaýshylarmen bolǵan kezdesýinde Aýyl sharýashylyǵy vıtse-mınıstri Arman Evnıev pen Agroónerkásip kesheniniń Memlekettik ınspektsııasy komıtetiniń tóraǵasy Serik Súleımenov málim etti,
dep habarlaıdy QazAqparat.
«2009 jyly Qazaqstan 378 tonna et jáne et ónimderin eksporttady. Sonyń ishinde eleýil úlesti jartylaı fabrıkattar, 17 tonna sıyr eti, 22 tonna qoı, sonymen qatar jylqy men shoshqa etteri tasymaldandy», dedi S. Súleımenov.
Aýyl sharýashylyǵy vıtse-mınıstri Arman Evnıevtiń aıtýynsha, Kedendik odaqtyń qurylýy Qazaqstannyń mal sharýashylyǵy úshin Reseıdiń naryǵyn ashyp otyr. Reseı jyl saıyn 300 myń tonna et ımportyna zárý. Qazaqstanmen shekaralas Astrahan jáne Novosibirge deıingi aımaqtarǵa jylyna 100 myń tonna et qajet.
A. Evnıev, otandyq et tasymaldaýshylarǵa qoldan jasalatyn kedergiler bolmaý úshin vedomstvo veterınarlyq, mal bordaqylaý oryndarynyń standarttary boıynsha jumystar jasap jatqandyǵynan habardar etti.
