2009 jyly Qazaqstan qor bırjasyndaǵy bırjalyq saýda-sattyqtyń kólemi 30 paıyzǵa tómendedi
ALMATY. Qańtardyń 13-i. QazAqparat /Erlik Erjanuly/ - 2009 jyly Qazaqstan qor bırjasyndaǵy bırjalyq saýda-sattyqtyń eń joǵarǵy kólemi aqpan aıynda, al eń azy mamyrda tirkeldi.
Bul Ulttyq bank tóraǵasy Grıgorıı Marchenkonyń búgin Almatyda ótkizgen baspasóz máslıhatynda málim boldy, dep habarlaıdy QazAqparat.
Byltyr Qazaqstan qor bırjasyndaǵy bırjalyq saýda-sattyq kólemi aldyńǵy jylmen salystyrǵanda qosymsha saýda-sattyqtardaǵy mámilelerdi esepke alǵanda 30 paıyzǵa tómendep, 47 mıllıard dollardy qurady. Bırjadan tys valıýta naryǵynda da operatsııalardyń kólemi 52,1 paıyzǵa azaıyp, 49,5 mıllıard dollardy qurady. Onda operatsııalardyń eń azy qazanda, eń kóbi qańtarda baıqaldy. Al teńgeniń ortasha alynǵan bırjalyq aıyrbastaý baǵamy 1 dollar úshin 147,51 teńgeni qurady. Kezeń aıaǵynda bul - 148,46 teńge boldy. Jeltoqsanda teńgeniń dollarǵa qatysty baǵamy 148,30-149,27 teńge aýqymynda ózgerip, 0,28 paıyzǵa nyǵaıdy. Bırjadan tys valıýta naryǵyndaǵy operatsııalardyń kólemi 51,9 paıyzǵa tómendep, 3,6 mıllıard dollar boldy. Qazaqstan qor bırjasyndaǵy bırjalyq operatsııalar da qosymsha saýda-sattyqtardaǵy mámilerdi esepke alǵanda 37,4 paıyzǵa kemip, 3,6 mıllıard dollardy qurady.
