2009 jyly elimizdiń syrtqy saýda ónimderine baǵanyń óskeni baıqaldy

Bul týraly QazAqparat QR Statıstıka agenttiginiń baspasóz qyzmetine silteme jasap habarlaıdy.

Agenttik málimetterine qaraǵanda, shetelge shyǵarylatyn taýarlar 2009 jyly 10,2 paıyzǵa, al Qazaqstanǵa ákelingen taýarlar baǵasy 0,8 paıyzǵa qymbattaǵan. Sonymen birge, esepti kezeńde eksporttyq tasymaldar boıynsha gaz kondensatyna baǵa - 43 paıyz, túrli-tústi metaldarǵa 34,5 paıyz, munaı ónimderine 33,7 paıyzǵa, munaıǵa 21,5 paıyz kóterilgeni baıqaldy. Al baǵanyń tómendeýi tabıǵı gazǵa 37,6 paıyzdy, qara metallǵa 22,4 paıyzdy, kómirge - 8 paıyzdy quraǵan. Budan basqa, jún baǵasy 18,3 paıyzǵa qymbattasa, maqta - 2,9 paıyzǵa, astyq - 44 paıyzǵa arzandaǵan.

Importtalatyn ónimder boıynsha temeki - 14,6 paıyzǵa, toqyma buıymdary 13,6 paıyzǵa, et ónimderi 12,8 paıyzǵa, farmatsevtıkalyq ónimder - 8,6 paıyzǵa, chaı - 8,3 paıyzǵa, qant - 8, kofe - 7,7 paıyzǵa qymbattaǵan. Al boıaýlar men laktar - 20,5 paıyzǵa, kúrish - 14,5 paıyzǵa, ósimdik maıy - 9,4 paıyzǵa, aıaq kıim -9 paıyzǵa arzandaǵan.