2009 jyly elimizdiń et eksporty bar-joǵy 0,3 myń tonnany qurady - A. Selıýlev
ASTANA. Maýsymnyń 1-i. QazAqparat /Qanat Mámetqazyuly/ - 2009 jyly elimizdiń et eksporty bar-joǵy 0,3 myń tonnany qurady.
Búgin QR Parlamenti Senaty Agrarlyq máseleler jáne qorshaǵan ortany qorǵaý komıtetiniń depýtattarymen kezdesýi barysynda «Mal ónimderi» korporatsııasynyń Basqarma basshysy Aleksandr Selıýlev osylaı málim etti, dep habarlaıdy QazAqparat.
«1990 jyldardaǵy Qazaqstannyń et eksporty 184,5 myń tonna bolsa, 2009 jyly bul kórsetkish bar-joǵy 0,3 myń tonnany qurady. Budan bólek, elimizdiń ishki naryǵynda da bul sala boıynsha teńgerimsizdik qalyptasyp otyr. Máselen, osy teńgerimsizdiktiń saldarynan sońǵy jyldary elimizge syrttan jetkiziletin sıyr etiniń ımporty 20-dan 34 myń tonnaǵa deıin ósti. Bul úderis keıingi jyldary eshqandaı da azaıǵan emes, sol boıy saqtalyp keledi», dedi A. Selıýlev.
Basqarma tóraǵasynyń aıtýynsha, Qazaqstandaǵy et óndirýdiń qurylymynda negizgi úles múıizdi iri qara malǵa tıedi.
