2009 jyly elimizde ımmýnofermenttik saraptamanyń kómegimen brýtsellezben aýyrǵan 129 myń bas iri qara mal anyqtalyp, joıyldy - komıtet tóraǵasy
ASTANA. Qańtardyń 22-si. QazAqparat /Marlan Jıembaı/ - 2009 jyly elimizde ımmýnofermenttik saraptamanyń kómegimen brýtsellezben aýyrǵan 129 myń bas iri qara mal anyqtalyp, joıylǵan. Bul týraly búgin Aýyl sharýashylyǵy mınıstrliginde ótken baspasóz máslıhatynda atalǵan vedomstvonyń Agroónerkásip keshenindegi memlekettik ınspektsııa komıtetiniń tóraǵasy Serik Súleımenov aıtty.
«Biz ımmýnofermenttik saraptamany is júzinde 2 jyl boıy júrgizip otyrmyz. 2009 jyly 7 mıllıon 30 myń bas iri qarany brýtsellezge baılanysty tekserdik. Sonyń nátıjesinde atalǵan aýrýmen aýyratyn 129 myń bas iri qara anyqtaldy. Olar sanıtarlyq mal soıý oryndaryna tapsyryldy. Jalpy paıyzǵa shaǵyp aıtsaq, 1,8 paıyz iri qara joıyldy, bul kórsetkish buryndary 3-4 paıyzdy quraǵan bolatyn», dedi ol.
Sonymen qatar komıtet basshysynyń sózine qaraǵanda, 23 mıllıonnan astam usaq malǵa tekserý júrgizilip, onyń 43 myń basy aýrýǵa shaldyqqany anyqtalǵan. Olar da joıylyp, ıelerine tólemaqy berilgen.
«Bul jumys 2010 jyly da óz jalǵasyn tabatyn bolady. Tıisti is-shara jospary bar», dedi S.Súleımenov.
