2009 jyly elektrondyq Úkimet portalynda kórsetiletin qyzmetterdiń sany 59-ǵa jetti
ASTANA. Aqpannyń 17-si. QazAqparat - 2009 jyly elektrondyq Úkimet portalynda taǵy 15 qyzmet iske qosyldy, sóıtip munda kórsetiletin qyzmetterdiń sany 59-ǵa jetkizildi.
Atap aıtqanda, budan bylaı elektrondyq Úkimet saıtynda sottalmaǵany týraly anyqtama qaǵaz, jyljymaıtyn múliktiń bar-joqtyǵy týraly anyqtama, Áleýmettik-jeke kod (SIK) jáne Salyq tóleýshiniń kýáligin alýǵa bolady. Munyń barlyǵy elektrondyq-sandyq qoltańbanyń kómegimen alynady. Qazirgi ýaqytta QR Ulttyq kýálandyrýshy ortalyǵyn tirkeýdiń 28 ortalyǵy ashylyp otyr. Ulttyq kýálandyrýshy ortalyqtyń sertıfıkattarymen alǵashqy elektrondyq tólqujattar bekitildi. Qazirgi tańda 53 myńnan astam elektrondyq-sandyq qoltańba shyǵaryldy.
2009 jyly elektrondyq úkimet saıtyna kirgenderdiń sany 1,6 mıllıon adamnan asty. Onyń ishinde 45 myń adam elektrondyq qyzmetterdi paıdalandy.
